Een geestelijck liedt-boecxken

inhoudende nieuwe Liedekens, nu anderwerf ghedruckt, verbetert ende vermeerdert met eenige nieuwe Leysenen, nae ghelegentheyt der Hooghtijden

[fol. H2v]

Een Geestelijc Liedt:

Op de voys: Van den uyl,
oft, Dat Iaer is langer als den dagh.
oft, O heer wie sal. Psal.14.
oft, Waer is de Dochter van Syon.
oft, Het leyt een slot in Oostenrijck.
oft, Van den Haselaer boom.
oft. Wt liefden siet, lijd' ick verdriet.

⁺ SEer selden dat men yemant vint
diet in-ghekeerde leven
Hier gunstigh is, oft dat bemint,
Of gaet hem daer toe gheven.

⁺Of die reyn leven na de gont
Sonder eyghen behaghen
Veracht, verlaten, t'eenigh stont
Niemant dan Godt en claghen.

⁺Of die in alle teghenheyt,
Ghelaten en verwonnen
Hier blyven in de eenigheyt
Als stralen in de Sonne.

⁺Dit leven heeft een goet begin,
dat Godt wel sal vol maken,
So wie dat hier wil treden in,
Tot kennis sal hy raken.

⁺Maer hy moet eerst ontledight sijn
Van d'aertsche creatueren,
En selfs aencleventheyt en schijn
doort sterven der natueren.

⁺En soecken so dat eenigh goet

+ 1.pet.4.1

+ to.15.2.3

+ rom.8.28

+ 2.co.13.5

+ 2.ti.2.11.

+ Coloss.3.

[fol. H3r]

 

Diep in sijn ziel van binnen

 

daer Godt hem in verlichten moet

 

Sal hy te rechte vinnen.

 

 

 

Die Enghelen in' sHemels throon

 

die sullen haer verblyen

 

die Godt, om Godt dienen haer loon

 

Van als ghebenedyen.

 

 

 

Voorwaer tis alle blijtschap waert ⁺

 

die Godt dit heeft ghegheven

 

dat in sijn Gheest hem openbaert

 

Gods liefste wil verheven.

 

 

 

Sijn hertgen en ghevoelt gheen pijn

 

Van minne sijnde droncken ⁺

 

Tis mijn Lief mijn, en ick de sijn

 

Al door de min gheschonken.

 

 

 

Oorlof Princen in desen Feest, ⁺

 

V hertgens laet ontspringhen,

 

Vereenicht sijnde met Gods gheest

 

Voor Godt suldy wel singhen.

+ rom.8.14

+ Cant.6.2

+ ps.140.14