Der fielen, rabauwen, oft der schalcken vocabulaer

[fol. E6r]

¶ Hier worden gebannen wt den houe des Gasthuys, al die contrarie doen deser voorseyder ordinancien.

HOort hoort, wilt scherp toe luysteren,
Hier ban ick wten gasthuyse ten eeuwighen daghen,
Die dordinancie soude willen verduysteren,
Die den Meester ende de Vrouwe van tgasthuys behaghen.
¶ Eerst so ban ick al die ghene die hen eerlijc draghen,
Ende die by maten alle dinghen hanteren,
Voort so ban ick al die gene die hen versagen
Int gasthuys te comen vry sonder vieren,
Voort ban ick mede diet soo bestieren
Dat sy haer goeden altoos meer vermeeren
Dan verminderen, sulc volc na mijn versieren
En behooren int gasthuys niet te verkeeren,
Oock ban ic openlijc tsijn vrouwen oft heeren
Die soberlijck leuen altijt na state,
Ende al diet soo maken datmense moet eeren

[fol. E6v]

 

Den caproen lichten dat is al groot,

 

Tregiment vanden gasthuyse sulc volck versmaet,

 

Ende alle die van goeden regimente zijn

 

Worden hier eewich ghebannen byden hooghen raet,

 

Van Meester Pouer ende van zijnen heeren

 

Iongers die lieuer in alle termijn verkeeren,

 

In die kercken dan in die taueernen

 

Oft by schoone vrouwen om drincken den wijn,

 

Dees ban ick, want sy moeten tgasthuys ontbeeren.

 

Voort ban ick, al ist oock te deeren

 

Alle ambachts ghesellen die vroech en spade

 

Lieuer wercken, dan sy ghinghen teeren

 

In die tauerne euen gherade,

 

Al dat van goeden regiment is sonder ghenade

 

Ban ick wt den gasthuys, soo dat behoort

 

Die wijslijck doet, elck segt den anderen voort.