Drie schandaleuse spelen

Regelnummers proza verbergen

VII xx^a octobris anno et loco predictis

1⁺ jan de knibbere zeeldraeyere woenende jnder stadt van bruessele oudt 2xxx jaeren oft daeromtrent gedaeght by jacques martens duerwaer- 3dere seeght onder eet dat hy deponent js vander cameren vander 4Rethorycken vander corenblomme zynde de ghene die jn deser stadt 5tot tweemale toe heeft hulpen spelen tspel vanden beruoeten broers / 6wesende hy deponent die de personnaige vanden freremineur heeft 7gespeelt / ende gelyck tspel dwelcke by deygen handt van hem de- 8ponent is gescreuen [Fol. 249] ende dwelcke onder ons js berustende 9dat jnnehoudt zoe eest jnder waerheyt al gespeelt geweest / ende 10hy die tuycht seeght dat tselue spel nyet quaets jnne en heeft dat hy 11weet maer js heel belachelijck / ende tot meerder versekertheyt van dat 12tselue spel alsoe jnder waerheyt naer tjnhoudt van dyen js gespeelt 13geweest zoe heeft hij zyn personnaige nv jegenwoirdelycken al van 14buyten verhaelt conformelyck den teneure vanden seluen gescrifte 15Gevraeght waer vyte hy deponent tselue spel heeft gescreuen wij tselue 16gemaict heeft ende waer hy de mindebrueders cappe hadde gecregen 17daermede hy tvoirscreuen spel heeft hulpen spelen seeght dat anthonis 18coppens facteur vander corenblomen hem deponent eenen ouden boeck 19die by nae van outheyt heel versleten was heeft geleuert daer jnne dat 20tvoirscreuen spel gescreuen stont ende daeruyte hy die tuycht tselue 21gescreuen heeft gehadt nyet wetende alzoe wy tvoirscreuen spel ge- 22maict mach hebben / ende want zy personnaigen nyet en hebben te 23doene dan zulcke rollen te spelen alsmen hen gheeft / ende dat de 24dekens ende ouders vander voirscreuen cameren moeten alle habyten 25ende andere accoustrementen nootelycke tot zulcken spele alsser ge- 26speelt wordden besorgen zoe en weet hy oyck nyet waermen de voir- 27screuen cappe gerecouureert heeft

28Seggende hy deponent dat tvoirscreuen spel tweemalen js gespeelt 29geweest gedaen js geweest vyt dyen zy daermede den hoochsten prys 30hadden gewonnen ende oyck ouermits datter eenige waeren die geseyt 31hadden dat tvoirscreuen spel was gespeelt geweest tot yemants blam- 32matie dwelcke nochtans nyet en was gebeurt want hy die tuycht seeght 33dat hy tvoirscreuen spel nyet en zoude hebben hulpen spelen hadde 34hy geweten dat tselue qualycken genomen zoude geweest hebben /

+ Fol. 248^v

[p. 82]

35gelyck hy seyt dat zoe verre alsmen tselue zoude mogen jn een 36camere spelen men oepentlycken zoude sien datter gheen blammatie 37jnne gelegen en is maer dat elckerlyck tselue hoirende daeromme zoude 38moeten lachen

39Gevraeght oft hy nyet en heeft onthouden wat de gebroken prologue 40lestmale gespeelt jnnehoudt seeght dat hy vanden gedichte nyet en 41heeft onthouwen maer weet jn substantie dat als de facteur oft leser 42de prologue las datter een persoen van beneden quam roepen die hem 43seeghde een legwercker te wesen vragende oft zy wederomme zouden 44vanden beruoeten broerkens gaen spelen daerdeure zy rabbauwen wae- 45ren geheeten tselue verhalende vyt dyen dat de mindebroeders daerte 46voeren opten stoel hadden geseyt datter eenen hoop legwerckers die 47al rabbauwen waeren tselue spel hadden gespeelt jn welcke prologue 48nyet anders en wordde geseyt dan dat hy legwercker zoude tvoirscreuen 49spel comen hoiren om te bemercken ofter eenige scimpernyen zoude 50gespeelt wordden ende tselue spel gespeelt zynde seeghde de voir- 51screuen legwercker (dwelck een wullenweuere van zynen ambacht was) 52datter gheen blammatie oft schandalizatie gespeelt en was geweest / 53Ende nae dyen hem deponent de prologue onder ons berustende ge- 54leuert js geweest heeft hy vercleert dat de selue js dyer gelesen ende 55gespeelt js geweest / dan zoe de personnaige vanden legwercker quam 56opt spel sitten zoe seeghden eenige dat heel slicht zoude wesen dat 57hy nae dyen tspel voleyndt was nyet met allen seggen en zoude 58[Fol. 249^v] aduiserende den factere dat hy daer omme drye oft viere 59regulen dichte zoude maken van dat tot nyemants spotte en was ge- 60daen / welcke regulen de selue facteur alsdoen screef opten rolle 61van eenige vanden personnaigien die byde voirscreuen prologue nyet 62gestelt en zyn / ende anders eest al datter ter seluer tyt gespeelt ende 63gelesen js geweest /

Jan de knubber