Drie schandaleuse spelen

[p. 41]

Een tafelspel van drie sotten

met een

PROLOGHE

en een

NAPROLOGHE

gespeelt

door

DEN BOECK

te

BRUSSEL

op

24 OKTOBER 1559

[p. 42]

De prologhe

[p. 43]

Personages

Rethorika	Gielen de creeuwere
Vrint ter noot	Jan matheeus

[p. 44]

Rethorika

 

O hoochste ongrondeerlijcke triniteijt⁺

 

vader des hemels en oock der eerden

 

wilt doch duer v grondeloose bermherticheijt

 

die clage uwer dinst maecht / heere aenueerden

5

v es kinlijck god dat die nidighe gheerden

 

van jesebel paertijelijck solliciteren

 

om datse met een goet schijnsel cleijn van weerden

 

souwen foortselijck met gewelt moge priuere

 

en geheelyck vader abolieren

10

die rethorijckelijcke plaetsen / en mij mede

 

daer wij god inden geest v meest met onnoreren

 

soo ons dauid leert en hij selue oock dede

 

ghij weet wel vader dat ic twist en onurede

 

met v elegantich preceus groeijende woordt

15

blusschen can / en duer mijn lieffelijcke zede

 

oeffent hem menich onwetende schaepken aen dboort

 

des geloofs christi dus vader o hemels conuoort

 

sent mij toch eenigen troost eer ic verdwijne

 

want noyt en leet mijn herte / meerder pijne

Vrint ter noot

20

noet en was mijn herte mer beroert van binnen⁺

 

ic en weet niet ocht ic beroeft bin van sinnen

 

oft dat de maere met dromen mij heeft verdoert

 

al daet veele soe hebbe ic duenckt my ghehoert

 

een madelike stemme zeer claegelicke heffen

25

mids groote kueringe doeght mij beseffen

 

den geest der liefden ocht waer wesen souwe

Rethorika

 

o vader vader

Vrint ter noot

 

o Retoerika vrouwe

 

nobele merstersse verheuen

 

Hoe comdij sus bedrueckt wat hebdij bedreuen

30

dat ghij dues mesmacht staet en heel bedroeft

+ Fol. 120

+ Fol. 125

[p. 45]

Rethorika

 

o vrint waer fides v vrouwe die elck behoeft

 

ghy wist haest wat wat in mijn herte / leijdt verburgen

Vrint ter noot

 

o eedel vrouwe en wilt vresen noch suergen

 

wat dat ghij mij secht segdij uwen beminder groet

Rethorika

35

met oorloue wie zijdij

Vrint ter noot

 

uwen vrint ter noet

 

Dat ghy v voer mij vreest es mij een smerte

Rethorika

 

o vrint ternoot ghij zyt een man naer mijn herte

 

al dat mijnen geest becummert suldij weten

 

ic heb gehoort datter som van babels propheten

40

met verdorde saken schijnende zeer groene

 

pracktijckelijck versoeken te niete te doene

 

alle mijn rethorijckelycke salen

 

ende soo gebuert / ick salt sonder falen

 

metter doot (lacen moeten besueren)

Vrint ter noot

45

o nobele merstersse en wylt niet trueren

 

ten sal niet ghebueren dats myn jntencie

 

want duer v soete constege elegencie

 

siet men menich ledich minsche hier op wel gist vrij

 

nersteliken bouwen jn den acker cristij

50

duer v liefelike eedefaesen

Rethorika

 

Tes wel gezeijt maer alle haer prop...⁺

 

en b s s ter affecksien / goet oft vu...

+ Fol. 120^v

[p. 46]

Vrint ter noot

 

soe est maer al waert v volck verbeden op den hals

 

die v lief hebben suellen v liefde toeghen

Rethorika

55

waer

Vrint ter noot

 

waer

Rethorika

 

ja

Vrint ter noot

 

voer alle der werelt oegen

 

want de waerheijt en vrest her niet metallen

 

al hebben sij den boem des liehs doen vallen

 

vuijt crachte van lueghenhistorien

 

hij es weder op ghestaen in hoeger glorien

60

tot eenen exsempel der waerheijt crachtijch

 

Dues al deden sij met haer ghewelt machtijch

 

alle v studoeren te nueyte binnen oft buijten

 

daer v conste gheplant es salse vuijt spruiten

 

en huer openbaeren voer diese verfoeyen

Rethorika

65

ick sijen mijn conste smelten

Vrint ter noot

 

ic sinse groeyen

 

met voere Redene weest toch content

 

ic weet drij ongebonden liefhebbers seent

 

die met een nve present tot vwer vroemen

 

wyt puer groeyende liefde herwaes comen

70

om v te believene gheloeves mij

Rethorika

 

Waer zijnse

[p. 47]

Vrint ter noot

 

en twijffelt niet sij sin hier bij

 

Dus verlaet toch ghy alle druck en swaetheyt

Rethorika

 

Tvalt mij qualijck in

Vrint ter noot

 

tes soe jnder waerheyt

 

dus voecht v erghens taenhoeren huer grille

75

maer al staense mijds bescaemheden stille

 

om beeters wylle gheft vrinden en maegen

 

avdiensie die tonswaert liefde draegen