Drie schandaleuse spelen

[p. 1]

Een esbatament van de beruoete bruers van ses personagijen

met een

PROLOGHE

gespeelt

door

DE CORENBLOEM

te

BRUSSEL

op

9 APRIL 1559

en op

ST. MATHEUSDAG (21 SEPT.) 1559.

[p. 2]

De prologhe

Prologue	Frans van ballaer
Legwerckere	een legwereker

[p. 3]

Prologue ⁺

 

Goids mildelycke goetheyt / diet al veruult

 

den hemel hier bouen / en deerde beneden

 

moet becrachtighen / in trouwen ghehult

 

onsen Coninck van spanien van hier geleden

5

de hertoghinne van perma vol goeder seden

 

ons regente wil god wel bewaren

 

op dat wy moghen rusten in peys en in vreden

Legwerckere

 

wel ghy Corenbloemkens wat suldy verclaren

 

salt van den beruoetenbruerkens weder wesen

10

daer wy legwerckers soo seer om syn begresen

 

en van sommighe rabouwen gheheeten

 

ic rade v allen by den sweeten

 

dat ghy hier voor allen dit volc vertelt

 

datter niet eenen legwercker me en heeft ghespelt

15

twort ons noch verweten op den dach van heden

 

dat wyt ghedaen hebben

Prologue

 

wa vrint syt te vreden

 

Coomt vry hier bouen en wilt ons wel verstaen

 

heb dyer eenighe lachterdeel aff ontfaen

 

tes ons leet alsulcx ghewagen

Legwerckere

20

neen siet / een voor al moet ick v vraghen

 

ofter ghy vanden seluen weder sult spelen

 

soo wilic dat ghy bekent na mijn beuelen⁺

 

datter noyt legwerckere me en heeft te doene ghehadt

 

noch noch en heeft

Prologue

 

kenlyck es dat

25

niemant en heefter noyt me gespeelt van uwen knechte

 

en als ment wel verstaet te rechte

 

ten es op niemant schimp gedaen

+ Fol. 117^v

+ Fol. 118

[p. 4]

 

en wildy sit neer / het selue vermaen

 

suldy noch eens hooren de vremde cuerkens

30

want schamel wichtkens zyn beruoete bruerkens

 

daer Cousen noch schoenen en syn om aen te doene

 

dus salment noch eens spelen in den seluen fautsoene

Legwerckere

 

tes mij alleleens wat dat ghy speelt

 

als wy legwerckers niet en worden ghequelt

35

want tsy arm oft ryck ia watter leeft

 

tes quaet lyden daermen gheen schult toe en heeft

 

dus wilic om hooren rusten mijn sinnen

Prologue

 

gheeft dan audientie men sal terstont beghinnen

 

ghy goede heeren / van dat hier wort ghedaen

40

hoort en swycht / en wiltet in tbeste slaen