Een devoot ende profitelyck boecxken
(1889)–Anoniem Devoot ende profitelyck boecxken, Een–
Auteursrecht onbekend
[pagina 203]
| |
ℂ Op die selue wise.1.
O Roode mont
Ghi maect ghesont
In alder stont
Al die ghijs gont
O soete gront seer hooch ghepresen
Alsijn si totter doot ghewont
Ghi moechtse saen ghenesen
2.
O bloeme soet
V groot ootmoet
Al thelsche ghebroet
Treedt onder die voet
Inder hellen gloet
Lof vrouwe groot van seghen
Bi v sijn wij ontsleghen.
3.
O reyne maecht
Die niet en draecht
Dat God misbaecht
Maer onuersaecht
Alle quaet veriaecht.
Dies sidy ghepresen
Eer mi God van sonden plaecht
So wilt mijn hulpster wesen
4.
Beelde reyn
Ghi sijt certeyn
Een edel greyn
Gods liefste reyn
Sijt ghi alleyn
Alsoe wij lesen
Och troost ons in dit swar gheweyn
Dat wij van druck ghenesen
5.
O dagheraet
Daert al aen staet
Ons troost en raet
Lacy al mijn daet
Is snoode en quaet
O bloeme wtghelesen
Mer || ghi sijt des sondaers tocuerlaet
So ghi dat wel hebt bewesen
6.
Die dit eerst sanck
Seer snoode en cranck
In duechden manck
Is sinen ganck
Sijn leuen lanck
Moet hi aldus hier wesen
O alder schoonste aenscijn blanck
Weest doch mijn troost in desen
|
|