Biblia dat is, de gantsche Heylighe Schrift, grondelick ende trouvvelick verduydtschet, Met verklaringhe duysterer woorden, redenen ende spreucken [etc.] (Deux-Aes bijbel)

Den Cxx. Psalm.

1. Een ghebet daer de Prophete in bidt om bescherminghe teghen de valsche tonghen, dat is, van valscher leere, die hy met scherpen ende vyerighe pijlen vergelijct.

A.1

Een liedt ^a† inden hooghen Choor. ICk ^b roepe tot den Heere in myner noot, ende hy verhoort my.

a† And. des opstijghens.

b Ione. 2.a.3. Tren. 3.f.55. Psalm. 3.a.5. ende. 18.a.7. ende. 118.a.5.

2

Heere verlost mijn ziele van den leugenachtighen monden, ende vanden valschen tonghen.

3

Wat kan de valsche tonghe doen? ende wat kan sy wtrichten?

4

Sy is als scherpe pijlen eens gheweldighen, als ^c vyer in ^d† Ieneuer hout.

c Dat is, Uyer in Ieneuer hout, vuncket ende brandet seer: want het is vet, ende brant gheerne: also gaet de Kettersche leere, oock met groot ghewelt aen, ende brant seer geerne.

d† An. weckhout

5

Wee my, dat ick een vreemdelinck ben onder Mesech: ick moet woonen onder den hutten Kedar.

6

Het wort myner zielen lanck te woonen, by dien, die den vrede haten.

7

Ick houde vrede: doch wanneer ick spreke, so heffen sy krijch aen.