Biblia dat is, de gantsche Heylighe Schrift, grondelick ende trouvvelick verduydtschet, Met verklaringhe duysterer woorden, redenen ende spreucken [etc.] (Deux-Aes bijbel)

Den C. Psalm.

1. Eenen korten doch lieflicken Psalm, gelijcken inhoudts met den voorigen: want hy vermaent tot danckseggen, ende leert, Christus zy ware God, onse Schepper ende ghenadighe Heere, ende van eewigher barmherticheyt. Ende men sal mercken, dat sodanighe Psalmen, die tot dancksegginge vermanen, ende tot den diensten des nieuwen Testamentes, bedecktelicken aenwijsen den onderganck der diensten des Wets.

A.1

Eenen danckPsalm. IUychet ^a den Heere alle wereldt.

a Psalm. 66.a.2.

2

Dienet den Heere met vreuchden, koemt voor zijn aenghesicht met ^b verurolicken.

b Dat is, Urolick gheluyt makende.

3

^c Bekennet dat de Heere God is: hy heeft ons ghemaeckt, ende niet wy selfs, ^d tot synen volcke, ende tot schapen syner weyden.

c Psalm. 95.a.7. Hesek. 34.d.31.

d Psalm. 79.b.13. ende 95.a.7. Hesek. 34.d.30.

4

Gaet tot synen poorten in met dancken, tot synen Voorhouen met louen: danckt hem, loeft synen Name.

5

Want de Heere is vriendelick, ende syne ghenade ^e duert eewich, ende syne waerheyt voort ende voort.

e Psalm. 34.a.9. ende 106.a.1. ende 107.a.1. ende 118.a.1. ende 136.a.1. Tren. 3.c.25.