Biblia dat is, de gantsche Heylighe Schrift, grondelick ende trouvvelick verduydtschet, Met verklaringhe duysterer woorden, redenen ende spreucken [etc.] (Deux-Aes bijbel)

Den lxxxiiij. Psalm.

1. Tweerley veruatet desen Psalm: vooraen dancket hy God, voor zijn Woordt, Tempel ende dienst, 5. ende vertelt wat het voor eene ghenade zy, sulcks te hebben. 10. Daerna biddet hy, dat God dese behouden wille.

A.1

Eenen Psalm der kinderen Korah, ^a† op der Githith, voor te singhen.

a† And. voor de wijnpersse.

2

HOe lieflick zijn dyne wooningen, Heere ^b† Zebaoth.

b† And. der heyrscharen.

3

^c Myner ziele verlangt ende suchtet na de Voorhouen des Heeren: mijn ^d lijf ende ziele verheughen haer, in den leuendighen God.

c 2.Corint. 5.a.2.

d Cantic. 5.a.6.

4

Want den ^e voghel heeft een huys gheuonden: ende de swaluwe haren nest, daer sy iongen opbrengen, namelicken dynen Altaer Heere Zebaoth, mijn Koninck ende mijn God.

e An. mussche etc ende de tortelduyue, etc.

5

Wel dien, die in dynen huyse woonen, die louen dy altoos. Sela.

6

Wel dien menschen, die dy voor hare sterckte houden, ende van herten dy na wandelen.

7

Die door het ^f iammerdael gaen, ende maken aldaer fonteynen, ende de ^g† Leeraers werden met vele segens ghecieret.

f Dat is, Reysen hen ende weder, ende leeren de lieden. And. moerbesienboomen dal.

g† And. dijcken werden met regen vol. Sy gaen van hoope te hoopen. te verschijnen voor Gode in Zion.

8

Sy behouden deen ouerwinninge na der andere, datmen sien moet, de rechte God zy te Zion.

9

Heere God Zebaoth, hoort mijn ghebedt, verneemt het God Iacobs. Sela.

B.10

God onse schildt, schouwet doch, siet aen het ^h† Rijcke dijns Ghesalueden.

h† And. aenghesichte.

11

Want eenen dach in dynen Voorhoue is beter, dan anders duysent: ick wil lieuer de deure wachten in mijns Gods huys, dan langhe woonen in der Godloosen hutten.

12

Want God de Heere is de ⁱ Sonne ende Schilt, de Heere gheeft ^k ghenade ende eere, den vromen sal hy gheen goet ontbreken laten.

i Dat is, Hy leeret ende beschuttet, troostet ende helpet.

k Dat is, Uoor den haet ende linkheyt der wereldt.

13

^l Heere Zebaoth, wel dien mensche, die hem op dy verlaet.

l Psalm. 2.b.12. Ierem. 17.a 7. Prouerb. 16.c.26.