Biblia dat is, de gantsche Heylighe Schrift, grondelick ende trouvvelick verduydtschet, Met verklaringhe duysterer woorden, redenen ende spreucken [etc.] (Deux-Aes bijbel)

Den xv. Psalm.

1. Handel ende wandel eens warachtighen burgers des Hemelrijcx.

A.1

Eenen Psalm Dauids. HEere, ^a wie sal woonen in dyner Hutten? wie sal blijuen op dynen heyligen Berghe?

a Psalm. 24.a.3. Esaie 33.b.15. Matth. 19.b.17. 1.Iohannis 1.a.6.

2

Die sonder vlecke daer henen gaet, ende recht doet, ende spreeckt de waerheyt van herten.

3

Wie met syner tonghen niet ^b achterklapt, ende synen naesten gheen leedt en doet, ende synen naesten niet en schendet.

b Iacobi 4.b.10. Prouer. 18.a.8. ende 26.c.22. Leuit. 19.b.16.

4

^c† Wie de Godloosen niets en achtet, maer eert de Godureesende: wie ^d† synen naesten sweert, ende houdt het.

c† And. aen hemseluen een mishaghen ende verachtinghe heeft, ende eert etc.

d† an. syne schade

5

Wie zijn gheldt niet ^e op woecker en doet, ende en ^f neemt niet gheschencken ouer den onschuldighen: wie dat doet, die sal wel blijuen.

e Exodi 22.c.25. Leuit. 25.d.35. Deuter. 23.b.19. 2.Esdr. 5.a.7.

f Deuter. 27.c.26. Hesek. 22.b.12. Prouer. 17.c.23.