Declaratie van der triumphe bewezen den hooghe gheboren prince van Spaengien, Philips
(1851)–Anoniem Declaratie van der triumphe bewezen den hooghe gheboren prince van Spaengien, Philips–
Auteursrechtvrij
[pagina 29]
| |
Noch ander inscriptien.Edel hoog gheboren vorst, reyn conijnclic zaed zoet
Van Vlaender land eruich natuerlic heere
God vermeerdere hu vroomheid, ende wijsen raed goed
Om t'land te berechtene tot zijnder eere.
| |
Item noch een ander.O Prince vercoren, zeer hooghe gheboren
Zijt willecomme.
Bewaert dit land, voor eenen pand
Ten goeden waeromme.
Den oppersten eere hu rijcke vermeere
Mids wijsen rade,
Want uus vaders duegd, bloijt in hu iuegd
Duer Gods ghenade.
Musike ghezonden vut t'aerdsche paradijs
Heeft hier om prijs wel haer eere bewaert
Want om dat Rethorica was inden bijs
Om allomme te tooghene der conste aerd
Zo hadde die nobel Musike vergaert
Wel dusent instrumenten musicael
Daer en was int verzoeken gheen conste ghespaert
Men peeper accoord met een zoet verhael
Wel accorderen es t'principael.
Als nu Phebus vulreyst had zijn voyage
Hem volgde een page diemen Hesperus heet
| |
[pagina 30]
| |
Dats doncker auond die can maken rage
Hij doet Venus kinderkins meer lief dan leed
Dus werd daer een bernende licht bereed
Bouen den weerhaen van Sente Niclaus ghemeten
Twintich voeten hooghe waer af t'vulle bescheed
Ouen veerthien milen snachts es gheweten
Dus heeft haer die Maghet van Ghend ghequeten.
Veel zoudic noch scriuen op de zelue date
Waert niet zo late en dat ic bet zaghe
Hoe Philippus brudegom met edelen state
Hem vouchde tot trauwene den derden daghe
Dat vlaemsche pryeel die precieuse baghe
Dies hij naer costume t'land besworen heift
Als dan zulc een Prince (dit es de vraghe)
Dees Maghet van Ghend in trauwe vercoren heift
Zegt of die Bruud haer eere verloren heift.
Veninighe tonghe wie dat ghij zijt
Niet meer en verbijt dees Maghet eerbaer
Op dat ghij hu tanden niet en verslijt
Want die macht haers liefs valt hu te zwaer
Adieu reine Maegt die verre ende naer
Hu aenschijn voor elckerlijc wel muegt ontdecken
Adieu cleine Maegdekins bijna vijfhondert paer
Met hu cranskins en houpeelkins wilt thuuswaert trecken
God wil hu beschermen al voor quade becken.
Adieu edel Vlamijnc o keyser ghenadich
Blijft doch beradich dees schoone gaerde
| |
[pagina 31]
| |
Daer ghij in bloijdet, die somtijds versmadich
Mestroost ghezeten heift als de bezwaerde
En ghy o Prince van edelen aerde
Ontfanct se minlic die voor hu gheboghen heift
En peijnst mijn Bruud es die schoone vermaerde
Die mij haer trauwe gaf en niet gheloghen heift
Bij wien eerst mijn vader de borst ghezoghen heift.
Finis. |
|