Declaratie van der triumphe bewezen den hooghe gheboren prince van Spaengien, Philips

Venus tot den Autheur.

Ic Venus die schoone wellustighe Goddinne
Wien Paris ten ghewinne den gulden appel bood
Belast' hu te scriuene eenen brief van minne
In een dien ic weinsche met herten deuoot
Altijs victorie zonder wederstoot
Lof, prijs, ende eere, by elcker natie.
Ooc derf ic hem belouen ghecreghe hijs nood
Van Mars mijn lief, die vromen Gods gratie.
Duer zoete woordekins van recommandatie.

Noch zal ic Cupido myn zone doen schieten
Zonder verdrieten met der liefden schichte
Die schoonste, die edelste, ia wil zout ghenieten
Al waert ooc des opperste Goddinnens nichte.
Nu poetiseirt hier up, en stellet in dichte.
En maect hem vrau Venus ionste bekend.
Of dagvaert hem bij mij in shemels ghestichte.
Rasch vp, die voeten naer vlaender wend.
Ghij vind hem tauond int schoon prieel van Ghend.