Dagboek van Gent van 1447 tot 1470. Deel 2

Dit hier naer volghende es bevonden in 't Engienhuus van allerande soorte.

Item, drie haechbus scraghen.

Item, twee bancken met twee wielen om voghelare of crappeneelkins daer up te legghene.

Item, een yseryne ketene commende van den steenputte bachten 't Scepenhuus.

Item, curte pycken, XC; langhe pycken, X; haumessen, IX; loôn hamers, XLVIJ; yserin sceppen, LXXJ; picken, LV.

Item, hauweelen, XXIJ; bylen, IIIJ; ronde mulen,⁺ CXXVIIJ; platte hautte scuppen, LXXX; spaên, IIJ^c LIIIJ.

Item, corte nyeuwe brootsen, VJ; vier henden van ketenen; vyf valen ketenen; taergen met witten leeuwen vrancx, XVIIJ; taergen met witte crucen vrancx, VIJ.

Item, sevene nyeuwe taergen cleene; twee motalin mortieren met twee yserin stampers.

Item. den grooten ketele daer men de execusien mede doet, die de munte van den prinche conterfaiten, valsschen⁽¹⁾.

Item, de motalin scive met haren yserweercke.

Item, noch een hauten scive met haren yserweercke dienende tot eenen steenputte.

Item, engiencameren onghesoorteert onder cleen ende groot XLIIIJ.

Item, yseryne bauten onder cleen ende groot de naghelen daer in begrepen XXXIX.

Item, noch yseryne bauten onder cleen ende groot daer mede dat men de mantels vergaert, ende andere coroy LX.

Item, winthaecken elc met V scakels II.

Item, yserine wegghen XIIIJ.

+ f^o 232 v^o

(1) De groote ketel of Ghuetelynghe, waarin men de valschmunters ziedt; zie Dagboek, D. I, blz. 133 en 294.

[p. 302]

⁺ Item, een sluus ketene.

Item, twee groote langhe ketenen daer men de yserin staken mede beslaet voor 't Scepenhuus, als men die vieren maect⁽¹⁾.

Item, vier couffers groot ende vier cleene om daer in te legghene allerande alle artylderie.

Item, twee groote tonnen met haren decsele ende maelsloten om van ghelycken artylderie daer in te doene.

Item, vier cleene van ghelycken.

Item, in een tonne groote, cleene ende middelbaer platen om waghen assen, ende te beslane, XLIX.

Item, noch drie groote lamoens ende twee cleene.

Item, noch in eene tonne onghesteelt hauweelysers XXXIX.

Item, den grooten heffeneere met zynen scalen daer men t'andren tyden de weercclocke mede gheweghen heeft.

Item, eenen grooten reep daer men t'anderen tyden de weercclocke mede gheweghen heeft.

Item, eenen grooten reep daer men t' andren tyden de weercclocke mede up ghewonden heeft up 't Beelfroot.

Item, eenen cavele.

Item, noch twee ander reepen.

Item, eenen yserin meysele van den proppe.

Item, een yserin drie voet scive.

Item, een motalin drie voet scive.

Item, seven groote hautin sciven ende twee cleene.

⁺ Item, groote prophamers.

Item, een groote trectanghe.

Item, twee kerfsaghen, een haude ende een nyeuwe.

Item, eenen sael van eenen dossier met twee leren doscorven.

Item, vier motalin voormen onder cleen ende groot die ghescict zyn in yserin tanghe.

Item, een yserin scuumspaen.

+ f^o 233 r^o

(1) De houten vuren aangestoken voor het Schepenhuis wanneer men feest viert.

+ f^o 233 v^o

[p. 303]

Item, tien hesschen hantbomen, gheteeckent met der stede brantysere.

Item, een groote langhe leere dienende in 't Angienhuus, die ghescilt es root.

Item, ellef nyeuwe leeren elc ondere met yseren pinnen, daer af de twee leeren bleven in 't wederkeeren van Lessene.

Item, twee cleen leerkins met rollekins ende elc met twee yserin haecken omme leeren daer mede te lynghene op dat men wilde.

Item, vyf dobbel leeren ende drie hynckele daer up dat ligghen strynghen dobbele en hynckele, ende basten die men oorbuert in 't uutgheven van der artylderye.

Item, vyf kempen leeren, drie curte ende twee langhe.

Item, vier nyeuwe waghenen; ende elcken waghen met drie nyeu scepen, ende tot elcken waghene met twee trecklynen, elc twintig vamen lanc.

Item, eenen yserin sloothaec met drie tacken.

Item, twalef paer tonnen up de brugghen up te legghene die nyeus ghemaect zyn by der hant van meester Claeys.

Item, twalef sticken brugghen sorterende up de voorseyde⁺ tonnen.

Item, twintich cupen daer af datter Gillis De Neckere maecte drie en twintig X sc. gr. 't stic, om meester Jan die ghenomen hadde salpetre te makene ende by hem verloren de drie.

Item, drie groote tenten met toebehoorten.

Item, drie pauwelioenen ooc met haren toebehoorten.

Item, vier vrancsche pauweljoenen met gheleenden weeghen ende datter toebehoort.

Item, twee sceepcouffers elc met sloten overdect met zwarten ledere ende besleghen met blecken.

Item, 'ts conyncx kinderen cocalam, twee ketels, hautin platteelen, ende sautvaten ende hautin candelaers.

Item, twalef bommen.

Item, eene quantiteyt van haude sprynchaelboghen.

+ f^o 234 r^o

[p. 304]

Item, van den 't sestich pypegalen⁽¹⁾ die besteedt zyn te makene esser of al nu ghemaect XXX.

Item, drie hautin vergulden coppsche wyse om up tenten te stellene.

Item, drie turrekins om van ghelycken up tenten te stellene.

Item, acht groote maelsloten dienende ten acht poorten van deser stede van Ghendt, die men sluut over al an elcke poorte met eender ketene.

Item, den grooten mantele en den cleenen.

Item, cryten voormen, een groote, een middelbaer ende twee cleene.

Item, XXVJ basserkins die van ouden tyden gheleghen hebben in 't En[g]ienhuus.

Item, noch een motalin basserkin met drie pypen ligghende in zyn haut.

⁺ Item, vier groote lepelen om de engienen mede te vullene.

Item, noch eenen langhen lepele om een serpentyne mede te vullene.

Item, vier groote vulysers ende ses cleene.

(1) Pijpegale, kruiwagen.

+ f^o 234 v^o