Dagboek van Gent van 1447 tot 1470. Deel 2

[1487]

Den XXVII^en dach van meye anno LXXXVII, wesende den⁺ sondach voor Sincxene, tusschen den IX ende X hueren voor de noene, quamen binnen der stede van Ghendt omtrent XII ballynghen, rouppende vremde roupen omme de stede in roerren te stellene, ende de inzetene te commoverenne up de wet, trocken naer 't Scepenhuus, daer zy dootsloughen Jane Van Vaernewyc, heere van Bost, ende andere zeer quetsten, ende planten zekere bannieren up den Wienhaert, ende

+ 1487.

[p. 264]

Mer Joos van Ghistele⁽¹⁾, burchmeester, maecte hem steerck met die van der stede die hem by vielen ende wederstondenze, soe dat eeneghe zeer gequetst waren ende gevanghen ende eenige andere ontquamen; van welcken upzette Jacob De Meuleneere, Jacops zoone, capiteyn was⁽²⁾, ende was binnen de havende met noch eenen onthooft, tusschen baelgen voor 's Graven Steen.

Den XXVIII^en in Meye LXXXVI [I] wart de stede van Sent Thomaes subtylic by nachte inghenomen van den Fransoeisen ende zeer deerlic ghepylgiert⁽³⁾.

⁺ Up den IIII^en van novembre anno LXXXVII, was te Ghendt de wet vermaect, ten vervolghe van den neerynghen die in haer huusen laghen, ende mids dat de Conync van den Roomschen rycke daer inne niet te vreden was, waeren commissarissen ghemaect by den gemeente, beede de haude bancken ende beede de dekenen ende besworen de nieuwe wethauders den paicx van Doornycke⁽⁴⁾.

Den XVII^en van decembre, anno ut supra, was by der wet verclaert. ten Hoochuuse, up de Vriendachmaert, dat dese naervolghende persoonen ghelt, goet ende pennynghen ghenomen ende ontfanghen hadden, om de inzetene deser stede te brynghene in obensansen⁽⁵⁾ ende de stede te destruwerenne, te wetene, Mer Mathys Pedaert, ruddere, Jan Van der Eecken, Jan Beys, Pieter De Rycke, Jan Hoebrecht, Jacop Annaert⁽⁶⁾, Jasper Bornage ende Lievin Lapant.

(1) Zie over Joos van Ghistele, hoogbaljuw van Gent, en zijne merkwaardige reis in het Oosten, Messager des Sciences et des Arts de Belgique, 1836.

(2) Zie De But, blz. 673-674.

(3) De But, blz. 673; Despars, D. IV, blz. 281.

+ f^o 221 v^o

(4) Zie Stadsrekeningen 1487-1488, f^o 294 r^o; Ch. Piot, Chroniques de Brabant et de Flandre, blz. 257-258.

(5) Obesansen, slavernij; van het fransch obéissance.

(6) Jacob Annaert's huis werd afgebroken, wezende de ‘Drie Coninghen’ nevens 't Windassteegje op de Koornmarkt; doch op 27 Oogst 1509 deed Maximiliaan hem eene zekere som als vergoeding uitbetalen; ook de andere huizen werden geslecht, zie Piot, Chroniques de Brabant et de Flandre, blz. 263.

[p. 265]

Up den XXX^en dach van decembre anno LXXXVII, was up de plaetse voor 't Scepenhuus van ghedeele gerecht eene ghalghe ende een schavout omme de ghezellen van oorlogen an te rechtenne van haeren delicten.