Dagboek van Gent van 1447 tot 1470. Deel 2

[1458]

⁺ In dit scependom, in den vasten, zo regneerden de peelgrims van Sente Michiels⁽²⁾ met grooten scharen ende processien, ende waren alle jonghe kinderen onder den XII jaren, oft daer ontrent, zonder baert, commende uuten lande van Ludicke ende daer ontrent, ende elck scare oft ghezelscap van hemlieden was wel groot in ghetale tot L oft meer kinderen, ende deden draghen voor hemlieden elc ghezelscap een banniere van Sente Michiels, ende quamen vele alzo duer Ghendt ende wiessen zo lancx zo meer, zynghende Kyrie Eleyson; ende men zeyde dat zy trocken te Sente Michiels-Berghe⁽³⁾ waert in Normandien of daer omtrent, maer luttel zach mer weder al duer Ghendt keeren.

In dit scependom, vroes 't by den drie maenden tyts, het viel groote snee; den cauden maendach was den XXIIII^en dach in lauwe, dat men 't nyet vele zo caut te voren gheweten hadde.

Item, in den vastenen, was grooten storme ende scade van winde⁽⁴⁾.

In dit scependom, up Sente Joorisdach⁽⁵⁾, quam de voor-

+ 1458.

(2) Breedvoerig daarover bij J. Du Clercq, D. II, blz. 276.

(3) Sente Michiels-Berghe, Mont Saint-Michel.

(4) In Februari, zie J. Du Clercq. Mémoires, D. II, blz. 274-75.

(5) Op 23^en April 1458, zie over die heerlijke ontvangst Kronijk van Vlaenderen, D. II, blz. 214; Du Clercq, D. II, blz. 278; Chastellain, D. III, blz. 396 vlgde; Memorieboek, D. I, blz. 249; Jean Chartier (éd. Vallet de Viriville), Histoire de Charles VII, t. III, p. 80-89; Stadsrekeningen van Gent 1457-58, passim: men gaf aan den hertog 800 pond gr. als geschenk. Zie het artikel van E. Varenbergh in Annales de la Société des Beaux-Arts de Gand (1869-72), blz. 1 vlgde.

[p. 185]

screve grave Philips, d'eerste reyse naer den voorscreven paeys van Gavere, te Ghendt ende quam in van Brugghe waert ter Waelpoorten met vele groote heeren ende edels volcx. Die van Ghendt trocker met schoonen state jeghen ende processien, ende warter zeere uutnemende blydelic ende rykelic ontfanghen, zo dat noynt scoonder noch ryckelicker ontfanc van princen daer te vooren ghesien en was, verre noch naer, daer menich meynsche blyde omme was⁽¹⁾.

In dit scependom was een knecht van der oudden van XVI oft XVII jaren te Ghendt, die hem stom fingierde zynde⁽²⁾, ende naer vele ondersouck dat up hem ghedaen was by der wet van der stede ende oock van gheestelicke doctueren ende andre cleercken, wart te Doornycke ghevoert, daer hy wart ghegheeselt, ende alzo bevonden dat hy conste spreken, ende wart⁺ weder te Ghendt brocht ende up Sente Jans kerchof an de westduere van der kercken ghescavauteert, daer hy ghecte met vele mans ende vrauwen die tot hem ghesyn hadden doe hy hem fingierde stom zynde, ende de welcke hy ghescreven hadde was hem by ghescrifte ghevraecht hadde wat zy weten wilde, ende hy zeyde daer naer dat hy dit dede omme te commene by eeneghen landheere, omme alzo te begheckene andre van den hove, als de heere zynen staet gheweten zoude hebben, ende alzo te commene ten rycdomme ende ghemackelicken levene, maer hy faelde ende wart uutgheseyt⁽³⁾, enz.

In dit scependom wart 't engien hermaect van der oorloghe in 't Beelfroot, te Ghendt, ende weecht van ysere by den VII^m ponden⁽⁴⁾.

Meester Pieter Baudins was in 't Chastellet gheleyt ende van daer te Rypelmonde in 't casteel ghevoert⁽⁵⁾.

(1) De hertog bleef in Gent tot op 11 Mei.

(2) ‘Il présumoit en soy de prénostiquer les choses futures’, zegt Chastellain, welke de zaak breedvoerig verhaalt, D. III, blz. 298-300.

+ f^o 195 r^o

(3) Uutgheseyt, gebannen.

(4) Over de herstelling van het uurwerk op 't Belfort, zie de Stadsrekeningen, 1457-58.

(5) Vgl. Memorieboek, D. I, blz. 246.