Dagboek van Gent van 1447 tot 1470. Deel 2

Tractaet.

Item, 's maendaechs den XII^en dach van wedemaent, waren gheordonneert uut elcker prochie drie persoonen, omme metten ghedeputeerden van den natien te communiquierne ten paeyse.

Item, 's dysendaechs trocken de natien te Dendermonde⁽²⁾; ende 'ts achternoens ontrent den avonde was men vergadert ter maerct metten clocslaghe ende men onthoofde vier persoonen maelfacteurs⁽³⁾; ende een achoutre⁽⁴⁾ van Curtrycke, gheheeten Pietre⁽⁵⁾, brocht zynde ten schovaute, hadde gracie ende ghync quyte, mids den eede die hy dede deser stede by te blyvene ende mids der compassien die 't volc up hem hadde doe hy las 't ghuent dat hy ghemaect hadde, ende hier naer volght:

‘O crachteghe doot, ghebenedyt! ô doot, die 't sondaers zoendync zyt! ô doot, die 'ts Vaders gramscip staectet! ô doot, verdryft des viants uyt! ô doot, dien den ellenden verblyt! ô doot, die Cristus zelve smaecte’, lesende al uute.

(2) Over den uitslag der zending, zie Chastellain, Chroniques, D. II, blz. 297.

(3) Zie Stadsrekeningen 1451-52, f^o 258 r^o, en Kronijk, D. II, blz. 148-149.

(4) Achoutre, bespieder.

(5) Het was Pieter van den Vivere, sergeant der schepenen van Kortrijk; de Kronijk, loco citato, heet het gedicht eene ‘oracie’.