Dagboek van Gent van 1447 tot 1470. Deel 2

Justicie.

Item, 'ts maendaechs den XV^en dach van meye, waren ter maerct up 't scavault onthooft Jan Van Steelandt ende Pieter Vaenkin, die als ghedeputeert van 's princen zyde hadden

[p. 18]

ghecommen ghezyn in 't landt van Waes⁽¹⁾, omme 't volc te bekeerne ten prince waert ende waeren by dien ghevanghenen ende ghesonden te Ghendt, ende Jan Reyneere ende Jan Aylanc als vianden deser stede.

⁺ Item, 'ts achternoens was in de stede van Pietere Van den Bossche, hooftman van Sente Nyclaus prochie, mids dat hy zieck te bedde lach, ghecoren in zyn stede hooftman te zyne Jan De Vos⁽²⁾. -

Item, in de zelve weke bracht overe Myn Vrauwe van Florensen⁽³⁾ zekere poynten gheavyseert by eeneghen heeren, omme daer up te commene ten paeyse:

‘Eerst, dat zy kennen gheheelic mynen Heere den hertoghe over haerlieder natuerlicken ende rechten heere ende prince, ende willen doen al 't ghuendt dat goede ende ghetrauwe subgyten ghehauden zyn te doene haren natuerlycken heere.

Item, dat zy bekennen mesdaen hebbende jeghens hem ende jeghen zyn hoocheyt, omme dwelcke zy hem harde oodmoedelic ghenade willen bidden, commende jeghen hem met processien tot uuter stede baervoet ende bloot hoofts tot in zekeren ghetale.

Item, dat zy hem willen beteren haerlieder mesdaet, in redelicheden van allen zaken daer up gheconsidereert.

Item, omme ditte te doene ende te tracteerne, dat zy oodmoedelic bidden omme t'hebbene een zekere bestandt van oorloghen eeneghen goeden tyt, ende omme te hebbene 't saufconduut, te zendene by mynen Heere den hertoghe.’ -

Item, Symon Uuten Hove, messagier van Ghendt, ghesonden

(1) De hertog had langs Rupelmonde een inval in het land van Waas gepoogd. Die twee handlangers van den graaf worden verkeerd door den kopist van het HS. Steelotter en Meeukin genoemd; vgl. Stadsrekeningen 1451-52, f^o 253 r^o en 214 v^o, en Kronijk, D. II, blz. 139.

+ f^o 124 r^o

(2) Geboortig van Ronse, zie Kronijk, D. II, blz. 139, en verder f^o 196 r^o.

(3) Stadsrekeningen van 1451-52, f^o 186 r^o: ‘Item ghegheven by bevele van den V hooftmannen eenen aermen priester die brieve brachte van Mer vrauwen van Florenchen’.

[p. 19]

t'Hollandt ende t'Seellandtwaert met zekere brieven, waende trecken al duer Biervliet, was binnen Biervliet onthooft⁽¹⁾.

(1) Vgl. verder f^o 168 v^o en Kronijk, D. II, blz. 139.