Dagboek van Gent van 1447 tot 1470. Deel 1

[Antwoord van de stad Doornyck op den brief blz. 305]⁽⁵⁾.

‘Harde, eerbare ende voorzieneghe heeren, lieve ende speciale vrienden, wy ghebieden ons t'uwaerts alzo hertelic als wy moghen. U zy ghelievelic te wetene ons ontfanghen hebbende

(5) Die titel ontbreekt in 't HS.

[p. 330]

uwe minnelicke lettren, inhaudende enz., van welcken wy ghenouch houden wesende in uwe goede ghedynckenesse; up dwelcke, harde, eerbare, enz., ghehoort hebbende de lectuere van uwen lettren ende 't inhouden van dien wel verstaen, wy hebben gheweest harde zeere t'onvreden ende bedruct, ende ons es leet harde grootelic van uwen drucke ende van den jeghenwordeghen gheschille tusschen harden hooghen ende moghenden prince, myn heere den hertoghe van Bourgoyngnen ende ulieden, biddende Gode dat by zyne soete ontfaermertichede hy stellen wille goeden paeys tusschen hem ende ulieden, ten proffyte ende bewaernesse van den lande van Vlaendren ende van al den lande van herwaerts overe. Ende ten ghuenen dat ghy ons verzouct te ghedooghene omme ulieden up te heffene ende te hebbene binnen deser stede cooren ende victaelgen, enz., u believe te wetene dat onse meenynghe nyet en es te ghevene oft doen ghevene verbodt ofte beledt ter contrarien⁺ van uwen verzoucke, nemaer, by hulpe ende gracie van Gode, zullen elc handt houden dat den loop van der coopmanscepen zal moghen onderhauden werden tusschen ulieden ende ons ende den lande ghebueren, ghelyck dat van ouden tyden wy t'allen daghen ghehadt hebben; ende ooc wy en zullen nyet ghedooghen onse stede te latene onbewaert van onsen onderzaten omme uuttreckene wapenynghe, alzo verre als wy datte goedelicx zullen connen beletten. Voort, ten ghenen dat ghy by andren lettren ons overscryft ende verzouct dat wy wilden quyten ende afdoen de mesdaet wylen ghedaen binnen deser stede by meester Lievin Boone uwe medeghezelle in officien, hebben ghevysyteert onsen registre⁽¹⁾ danof mentioen makende, by den welcken wy bevinden dat de zelve meester Lievin zal moghen, als 't hem ghelieft, wonende ende converserende in de zelve dese stede, ghenouch doende den persoon van Janne Hyele

+ f^o 111 v^o

(1) Ik heb vruchteloos het Registre des consaulx de Tournai onderzocht, ten minste in de Extraits Analytiques van 1431 tot 1476, uitgegeven door A. de la Grange (in Mémoires de la Société Historique et Littéraire de Tournai, D. XXIII, 1893), zonder den naam van Lieven Boone te ontmoeten.

[p. 331]

uwen inwonende ende betalende den ban van twee waerf X lib., ten prouffyte van deser stede draghende, loopende ter betalynghen X lib. tornoys welcke X lib. torn. ter jonsten ende contemplacien van ulieden ende t'uwer beden, wy hebben gheheelic vergheven ende quyte ghescolden den zelven meester Lievin. Mids welcken wy hu bidden, harde eerbare, enz., dat hu ghelieven wille te nemene overdanckelic dat wy hier inne connen ghedoen ende onslieden ende deser stede te hebbene altyts in uwe gratie ende recommandatie. Ende up dat hu eeneghe zaken gheliefden die wy doen moghen, wy zyn bereet die te vulcommene naest onsen vermoghene, neerenstelic ende met goeder herten, ter ghelieften van onsen Heere die hu, harde eerbare ende wyse, lieve ende gheminde vrienden, altyts hebbe in zyn heleghe bescheermenesse ende verleene de blyscepe die ghy begheert.

Ghescreven te Doornycke den XXVIII^en dach van maerte anno LI voor Paesschen.

De al uw bereet t'uwaerts, proosten, ghezwoornen, scepenen, waerderers, dekenen ende onderdekenen van den neerrynghen van der stede van Doornycke.

Superscriptie.

Harde eerbaren ende voorzieneghen heeren, onse harde f^o 112 r^o lieve ende speciale vrienden, de Hooftmannen van der stede van Ghendt.’