Dagboek van Gent van 1447 tot 1470. Deel 1

Justicie.

Item, tsdycendaechs den lesten dach van sporcle, tsvoornoens, ontrent den achten ende neghen hueren, Ynghelram Hauweel, cleerck van den lede van der poortrien van scepenen van ghedeele, an hauwende 't strypt habyt van scepenen, commende van Sente Nyclaus kerke ten Scepenhuuse waert, wart ten Putte ghevanghen van den Hooftmannen ende van den cnapen gheleedt in 't Chastelet, ontrent den XI hueren van den zelven voornoene, zonder clocslach oft yet den volcke te zegghene, uuten Chastelette brocht beneden up 't strate voor den steeghere⁽¹⁾, ende up een roode saerge onthooft⁽²⁾. Item, daer naer worden onthooft eenen Sanders van Sente Pieters ende daer naer Lievin Masins⁽³⁾ broederen, Baudins Van Everslaer; mets welck zaken den volcke eensdeels verwonderde, maer elc liet gheschien paeysivelic zonder yeuwers beroerte te makene.

(1) Steeghere, trap.

(2) Zie over die ongerechtelijke onthoofding, Kronijk van Vlaenderen, D. II, bz. 127 en 137; Chronique des Pays-Bas, bij De Smet, Corpus, D. III, bz. 479; Stadsrekeningen 1451-52, f^o 211 v^o. Boudin van Everslaer was voorgesteld geweest als kandidaat voor het rechterschap, op 24^en November; Kronijk, D. II, bz. 117.

(3) Ik stel vóor te lezen: ‘Den deken der Witte kapproenen broederen Baudins Van Everslaer’; zie Kronijk en Chronique des Pays-Bas, loc. cit.