Dagboek van Gent van 1447 tot 1470. Deel 1

Civyl voorghebot.

Uute dit voorghebot aldus voort: ‘Es by den Hooftmannen gheordonneert ende achtervolghende den voorgheboden by scepenen van der kuere uutgheleyt, alse dat advocaten, scepenen,⁺ secretarissen ende beede de dekenen, van der stede goede datte betalen soude d'eerste drie vaut⁽¹⁾, zy insghelycx u gheven alle te kennene ende ghebieden dat men van allen yssuwen, gracien van poorten of eeneghe corruptien die yemendt boven zynen eede ontfaen mach hebben, hoe in wat manieren dat zy, eveverre dat men datte bevinden zal by den ghenen die datter van den Hooftmannen weghen toeghestelt zullen wesen ende daer af van haerlieder weghe last hebben, zullen zy die ontfaen in gracien van al dat voorleden es, tot alf-ougste laetsleden, omme datte civilic ghebetert te werdene met goede redelic ende tamelic, naer de grootte van elcx mesdaet, zonder yemendt danof metten lyve ghecorrigiert te werdene; dwelcke zy doen ende ordonneren ten meesten oorbuer ende prouffyte van deser stede ende oock omme

+ f^o 75 r^o

(1) Zie hooger bz. 183.

[p. 250]

dieswille dat hem nyemendt decken oft veynsen zoude moghen danof claer betughenesse ende oorconscip te zegghene voor de ghene die daer toe ghestelt zullen wesen ende dat nyemendt hem ne darf absenteren van der stede ter causen van dien.’

Al dat voorschreven es, up den voorschreven lesten dach van decembre, vertoocht zynde, elc vertrac terstondt paeysivelic van der maerct alzo elc daer commen was gheweest.