Sequitur capitulum de liniarum colore etc
¶ Alse die linie vanden levene es harde groot ende harde diep. ende es noch bleec noch roet. dats dat si gevarwet es gelijc erden dit .b. ruutheit. Ende als de verwe naturlec es ende harde root. dit .b. dat een mensche lichtelec gram es ¶ Ende als de vorseide linie es groet ten wortel wert vander hant dit .b. dat een man onedel es. Eist dat si root es omtrent de middelt ten arme wert. dit .b. dat eens menschen hoeft dicken zweert. Ende alsi rooet es vander middelt ter suchter linie wert vanden driehoecke dit bediet gramscap ende wedermoet. Maer al dit es te verstane van roetheiden die sonder wriven ende sonder hitte natuerlec in de linien oppenbaert.
Auteursrechtelijk beschermd