Commentaar op het Hooglied

(1975)–Anoniem Commentaar op het Hooglied– rechtenstatus


CCXXIX Wat die bruut sal doen NV geeft die brudegom goeden raet Na dien dat wesen sal die staet Der bruut in desen groten liden Want si swairlijc moet striden 5[regelnummer] So en is hair dinc en ghene Beter dan si in hair allene Mit gode vaste si ghehaft Ende neme dan hem sin ende craft Datsi mach ghestadich bliuen 10[regelnummer] Ende an sine minne becliuen Des spreect hi hair tot diere vre Is si vast alsene mure Dat si dat striden weder staet Ende bliift op der minnen graet 15[regelnummer] Onbeweechlijc sonder sneuen So sulwi starclijc ende euen Vaste wijch huse op hair maken Selueriin in allen saken Is si ooc een dore open 20[regelnummer] Dair men door tot ons mach lopen Die maken wi mit chierheit fiin Van harden taflen uan cedrijn ¶ Alse die sware tijt sal comen Die ghi nv hier hebt vernomen 25[regelnummer] Dan sal kerstenheit sijn clene Als gheseit is nv ghemene Dan sal luttel iement wesen Die uoor antekerste sal ghenesen Dair binnen comt helias 30[regelnummer] Ende enoch in dier noot pas Ende sellen prediken ende leren Ende houden die kerstenheit in eren
[Folio W31rb]
Ende sullen antekerste wederstaen Antekerst salse verslaen 35[regelnummer] Doen doot: want si openbare Prediken sullen in ware mare Dat anders God en geen en is Dan cristus wair gods sone gewis Niet lange dair na wart verslegen 40[regelnummer] Antekerst des duuels degen Van gods geest. dan comt die tijt Dattie kerke wert uerblijt Wert in groter salichede Want ioden heiden alle bede 45[regelnummer] Ter kerstenheit sellen te gader Comen an gode onsen vader So wie dan in dien herden strijt Vast is bleuen sinen tijt Ende an gheloue starc becleuen 50[regelnummer] Ende in ware minnen bleuen Volcomelijc als ene mure Want hem dat worden is te sure So sal god billic op hem stichten Rechte gheloue na sinen dichten 55[regelnummer] Dat siin wiich huse seluerijn Oirconde der scrifture fijn Die niement weder can gestaen Des moet al te gode gaen Seluer beduut ouer wair 60[regelnummer] Orconde der scrift. openbair Dan sal die soete kerstenheit Die clene bruut alst is gheseit Ene dore wesen dair men door sal Te gode comen ouer al 65[regelnummer] Dese dore die sal verchieren Ende besetten ende pingieren Van edelen taflen cedrijn Dat si altoes vast ende fijn Sonder verganc sal emmer bliuen 70[regelnummer] Hier ende eweliic ten liuen Cedar is een boom so vast Datten breken mach geen last
[Folio W31va]
Ooc en rot hi emmer niet Hoe lange men hem hier duren siet 75[regelnummer] Die uaste taflen cedriin Moeten die ewangelie fijn Ende der heiligher scrift orconde Die nemmer rotten in ghere stonde Die ons gheeft ons heren lere 80[regelnummer] Dair wi bi mit rechten kere Comen toter salicheit Dit is gods woort ende wairheit Dat mach nemmer einde nemen Dat mach veruaren ende verscemen 85[regelnummer] Mer emmer vast ende gestade bliuen God geue ons uast dair an te becliuen Des mogen wi der wairheit weten Bi dauids woirde des propheten Die mit zinne des brinct voort 90[regelnummer] Ewelijc here dijn woort Sal bliuen ende ooc emmermere In hemel in airde dine lere Ooc heeft cristus selue gheseit Int ewangelie dairt in steit 95[regelnummer] Hemel ende airde sellen te gaen Miin woort sal ewelike staen Die kerke sal wesen een open duere Als alle uolc bi saligher cuere Dair duere sellen gaen te gode 100[regelnummer] Ende vaste houden sine ghebode Dese duere sal dan wel scone Verchiert worden sonder hone Want si mit lere sal siin verheuen Mit exempel mit goede leuen 105[regelnummer] Der ouder vadren die waren Voir ons in duechden sonder sparen

Vorige Volgende

CCXXIX Wat die bruut sal doen