Commentaar op het Hooglied

CXCIX Der bruut lof

Die lieue dochtren uan sioen
Hebben si in haren doen
Ghesien coninghinnen mede
Louen si in elker stede
viderunt illam filie sion
et beatissimam predicaue\runt
regine et concubine
laudauerunt eam Cv
¶ Die heilighe scaren al te samen
Hebbense alsonder blamen
Ghepredict dat si allene si
Alre heilichst ende vri
So wie in ganse gheloue leuet
Ende kerstenheit ontfangen heuet
Die hoort ter heiligher kerstenheden
Ende is recht uan haren leden
Mer want dene meer dan dander
In minnen gheset is sonder wander
Te gode na dien ontfangen si
Bi gode wesen verre of bi
Al dat in der kerstenhede
Te gode versaemt : wort van sede
Der ghelouen ende der genaden
Dair ons god in wille beraden
¶ Dese hebben alle ghesien
Die bruut omdat si van hair tien
Sullen kennisse ende merken

[fol. W25va]

 

Want bi kennisse sietmen sterken

 

Der minnen cracht ende uanden sien

30

Sulwi alle te gode tien

 

Dus hebben der salichede kinder

 

Die bruut ghesien alsonder hinder

 

Dochtren coninghinnen mede

 

Ende ghelouet talre stede

35

Ende hebben ghepredict bouen al

 

Die reine bruut dat si noch sal

 

Naest gode siin bouen alle dinc

 

Dat wesen ye uan gode ontfinc

 

Alre heilichst emmermere

40

Bliuen sal bi onsen here

 

Alle sielen die siin vercoren

 

Hebben ghesien die bruut hier voren

 

Ghelouet ende ghepredict mede

 

Van onbegripeliker salichede

45

Die en connen niet ghelaten

 

Sine prisense in allen saten

 

Die reine bruut die coninghinne

 

Die is exempel alre minne