Commentaar op het Hooglied

CLXXXIX Hoe vier brude vergadert siin in ene minne gods in rechter ghelouen

Voir den tijt dat god gheboren
Wart. was altoes vercoren
Der geenre leuen sonderlingen
Die in geloue gode ontfingen
Ende altoes dair in eerden
Ende gods reine minne meerden
Dit was doe deerste bruut
Die uanden oosten eerste quam uut

[fol. W24vb]

 

Want die vadere sonder sparen

10

Alle wel ghelouich waren

 

Wat dat wi ghelouen nv

 

Dats ghesciet dat seg ic v

 

Dat gheloeueden si toe te comen

 

Dair om hebben si ghenomen

15

Ganse gheloeue inder kerken

 

Dien si uoluorden inden werken

 

Dese eerste kerke so langhe dÜerde

 

Als god den tijt dair tusschen vÜerde

 

Van adams tijt, tot ander tijt

20

Dat cristus nam den groten strijt

 

Ende dat hi quam in menschen vorme

 

Ende street ieghen der hellen worme

 

Dair hi om an den cruce starf

 

¶ Dander bruut hi doe uerwarf

25

Die die apostolen hem toe brachten

 

Inder kerstenhede achten

 

Deerste bruut quam vten oosten

 

Dander bider apostolen troosten

 

Is comen uten soeten suden

30

Dese quam mit heiligen luden

 

Confessoren ende martelaren

 

Magheden ende uele leraren

 

Die noch die kerstenheit hier sterken

 

Van exemplen goeder werken

35

Van heidenscap quam dese bruut

 

Te gode dat ons is beduut

 

Bider hogher coninghinne

 

Van saba die quam te kinnen

 

Salemons grote wijsheit

40

Dair is hier wel bi gheseit

 

Dattie heidenscap is comen

 

Te gode mit groten uromen

 

Van deser bruut spreect dander boec

 

¶ Die derde bruut comt uten hoec

45

Vanden westen die synagoge

 

Die noch blint is inden oghe

 

Die sal bekeren in dien tiden

 

Dat antekerst is comen striden //

[fol. W24ra]

 

// Altoes ende staen in sinen ghebode

 

Dese siin die bi ware achten

 

Ghenomen bi den tale van achten

 

Ende tiene. die .lxxx. maken

5

Want si in uoirscreuene saken

 

Achte salicheden houden

 

In .x. gheboden sonder vouden

 

Dit is dander graet uan minnen

 

Der kerstenheit uan gansen sinnen