Commentaar op het Hooglied(1975)–Anoniem Commentaar op het Hooglied– Auteursrechtelijk beschermd Vorige Volgende CLXXXI Hoe die bruut ghehoirsam is haren lieue NOch spreect die bruut uan minnen voort Ende uanden werke dat hair behoort Te doen om hairs lieues minne Hoe si hem sielen ghewinne 5[regelnummer] ¶ Ic heb die clinke uan mire doren Opgedaen dair miin lief voren Stont mer hi leet voir bi Ende ghinc wech dat noost mi pessulum ostij mei aperui 10[regelnummer] dilecto meo at ille declina\uerat [Folio b40va] [fol. b40va] atque transierat lxxij ¶ Der rechter salicheden dore Is rechte gheloue dair cristus vore Staet ende wacht of men hem inne 15[regelnummer] Wil laten mit goeden sinne Mer dese dore is vaste besloten Mit ongheloue uan sduuels roten Ende mit hardicheit van herten Die niement laet sine sonden smerten 20[regelnummer] ¶ Dese twe clinken vaste sluten Therte: ende houden cristum buten Dese clinken doet op die bruut Als mit leren die .ij. ontsluut Als si hardicheit verdriuet 25[regelnummer] Ende gheloue int herte wriuet ¶ Nv die clinke is op gedaen Entie quade heeft ontfaen Rechte gheloue ende is bekeert Ende in gheloue wel geleert 30[regelnummer] Si toont den brudegom uan binnen Enen treec uan rechter minnen Als die siin lief wil besoeken Of si siins iet wille roeken Want hi lijt ende uoor bi gaet 35[regelnummer] Dats der minnen rechte baraet ¶ Dat is dat si nv beclaghet Miin lief dat mi wel behaget Doe ic die clinke op hadde gedaen Om dat miin lief te mi soude gaen 40[regelnummer] Leet hi voir ende ghinc elwair Dat miin rouwe te mere wair ¶ Hoort des brudegoms verliden Dat hi pleecht te menigen tiden Al ist der bruut verdrietelicke 45[regelnummer] Doch doet hi uan minnen dicke Want als die lieue siele begaert Dat god uan minnen come thare wairt Ende sine roert mit innicheit Is hi hair altoes bereit 50[regelnummer] Als die gairne wille te hair gaen [Folio B40vb] [fol. B40vb] Mer so toont hi lieflijc zaen Een point die die minne sterket Want als hare minne werket Ende si niet vercrighen can 55[regelnummer] Dair hair lieue te male leecht an So bernt si utermaten sere Want si begheert so lanc so mere Te houden dat si hebben waent Minne wart dus mit minne getaemt 60[regelnummer] Dus is die brudegom bedect Voir siin lief ende wech getrect Hets een point uan rechter minnen Dat sere roert der lieuer zinnen Als deen den anderen waent spreken 65[regelnummer] Ende hare een soect sulke treken Dat hi sinen lieue ontsteelt Hem seluen. dits der minnen weelt Want dan werden si beroert Ende in minnen so gheuoert 70[regelnummer] Deen den anderen mit begheren Dat hem beiden geen dinc deren Mer eer en dinct. dan dat niet Mallic den andren spreect ende siet Dair om claghet die bruut ende seit 75[regelnummer] Hair verdriet ende hair arbeit ¶ Ghesmouten is die siele mijn Doe dat lief dat is so fijn Sprac. nu merct hoe hier te moede anima mea liquefacta est 80[regelnummer] ut dilectus locutus est lxxxiij ¶ Der bruut was die opder hoede Zach dat hair lief soude comen Ende spreken mit hem tharen vromen Ende hi te hair niet en quam 85[regelnummer] Dair si groten rouwe of nam Des wart si uan groter minnen Sere ontfenct int herte binnen Want si sere siins begheerde Sprac si hier mit groter weerde 90[regelnummer] ¶ Ic sochten ende en vants niet [Folio W23ra] [fol. W23ra] Dat was mire herten swair verdriet Ic riep ende andwoorde gheen Ghaf hi mi dat was miin ween Die de stat te hoeden plaghen 95[regelnummer] Vonden mi in luire claghen Si sloeghen ende wonden mi Ende minen mantel namen si Die wachters uanden mure waren Hebben dus mit mi gheuaren 100[regelnummer] O ghi dochtren lieue karen Van iherusalem lieue scaren Ic beswere v ende mane Coemdi minen lieue iet ane Dat ghi hem segt dat ic van minnen 105[regelnummer] Sere quelle int herte binnen quesiui illum et non inueni uocaui et non respondit michi inuene\runt me custodes ciuita\tis 110[regelnummer] percusserunt me et vulneraverunt me tulerunt pallium meum custodes murorum. adiuro uos filie iherusalem si inue\neritis 115[regelnummer] dilectum meum [annuncie(?)]tis ei quia a\more langueo lxxxiiij Merct hoe zere die gone mint Die op scaemte niet een twint 120[regelnummer] En acht. ende soect hair lief Ende loopt bi nachte als een dief Desen sede heuet die bruut Als ons die letter hier beduut Minne acht niet wat si doet 125[regelnummer] Wat si aneuaet dinct hair goet Rechte minne die in bode Is ende al in sine ghebode Om sine minne ghairne helt Dair wart die siele in versmelt 130[regelnummer] Als si niet en heuet den gone [Folio W23rb] [fol. W23rb] In wies minne si wil wonen ¶ Des spreect si die siele miin Is ghesmouten dat moet sijn Dat mine siele ghewandelt is 135[regelnummer] Ende ghewecket al ghewis Die uoren in hardicheit Der ongheloue was bereit Die is nv also weec worden Van minnen. doe ic hoerde die woorden 140[regelnummer] Des liefs dats doe ic vernam Sine lere die te mi quam ¶ Nv is der bruut hair lief ontgaen Als ons die letter doet verstaen Dat sij mit ganser herten mint 145[regelnummer] Dair om acht si niet een twint Wat si doet ende wair si gaet Om te soeken in alle straet Vorige Volgende
Auteursrechtelijk beschermd Auteursrechtelijk beschermd Auteursrechtelijk beschermd
Auteursrechtelijk beschermd
Auteursrechtelijk beschermd