Commentaar op het Hooglied


CXLIIJ Hoe wi ter kerstenheit siin comen HIer moet wi proeuen ende merken Hoe wi siin comen ander kerken //
[Folio B43ra]
// Ontfenghet mit soeter smooc Ende uan allen puluer mede Dattie meester mit wairhede Die puluer maker heeft volbracht 5[regelnummer] que est ista que ascendit per desertum sicut virgula fumi ex aromatibus mirre et thuris et vniuersi pul\ueris pigmentarij l 10[regelnummer] ¶ Merket wats hier in bedacht Al was hier voren vanden heiden Der ioden leuen ondersceiden Doch siin si worden een Ende kersten bi den hornicsteen 15[regelnummer] Dair si beide hem in loeghen Mit gheloue ende wel in voeghen ¶ Der eerster bruut der sinagogen Die uten ioden is ghetogen Verwondert dat is soetelike 20[regelnummer] Ende uan duechden also rike Te cristum mit gheloue Der heidenscap comt in gods houe Dair om spreect si wie is dese Ist dair ic of vinde ende lese 25[regelnummer] Die so vuul was ende so quaet Besmit mit menigherande misdaet Die die afgode altoes minden Entie gode eniet en kinden Si clommen op bider wostinen 30[regelnummer] Sine bouwede nie noch sine wouden pinen Hoe mocht si te gode comen Wat heuetsi nv an hair ghenomen Dat si so scone ende so bequame Is worden gode ende sine name 35[regelnummer] Heuet so scier an hair ghetogen Dit wondert mi in minen oghen