Commentaar op het Hooglied


.C.XXIX Van ualschen be\gheuen luden Noch siin uoskine uele meer Dan ic v gheseit hebbe eer Die in oirden siin begheuen Ende souden al in duechden leuen 5[regelnummer] Mer om goet ende om ghewin Wort so zere uerkeert hair zin Dat si die wairheit achter laten
[Folio B23ra]
En uolghen der loosheit straten Wie dese siin latic hier bliuen 10[regelnummer] Want woudic al dese bescriuen Mi soude perkement ghebreken So uele is deser uan losen treken Sine connen hem anders niet gheneren Danne tleke uolc besceren 15[regelnummer] Sine moeten in uosses wise liegen Mit veluwen eren ende drieghen Doch vermanic alle dien Die die heilighe scrift versien Dat si op die wairheit micken 20[regelnummer] Ende mit loghen niement stricken Ende al ander begheuen diet Die uander scrift weten niet Anders dan si horen seggen Ende hair reghel can uoren leggen 25[regelnummer] Dat si hem niet bedriegen laten Mer volghen hare reghel straten Ende scuwen eenwille ende houairde Oncuuscheit uan vulen airde Ghiericheit uan heerscapien 30[regelnummer] Gramscap ende een vertien Alle wereltlike lust Ende soeken allene in gode rust Hier mede willic laten dat Ende volghen uoirt der glosen pat