Commentaar op het Hooglied

(1975)–Anoniem Commentaar op het Hooglied– rechtenstatus


CVI Van Gods werken Noch spreect die bruut soete woort Ende brinct uolcomen minne voort Die hair lief alte hair draget Hier om si sire woorde ghewaghet 5[regelnummer] Si seit mijn lief spreket mi Dair ic sere ghesterct werde bi Mine vriendinne mine bruut mine scone Staet op ende haest sprect die gods sone et dilectus meus michi loquitur 10[regelnummer] surge propera amica mea columba mea formosa mea et veni xxxvi ¶ Ons behoeft hier wel te merken Hoe god in sine edele werken 15[regelnummer] Heuet ghewracht al uut ende uut Om die minne uan sire bruut Hoe hi comt ende hoe hi snelt Ende hi naket mit sire ghewelt Ende hoe hi staet ende hoe hi siet 20[regelnummer] Ende lieflike sine bruut verspiet Ende ooc hoe hi hoir toe sprect Ende minnentlike uan rusten wect Inden enghelen comt hi springen Hi aest in der vader leringhen 25[regelnummer] Hi naket inder propheten woorde Hi staet in uleescheliken gheboorde In miraclen spreect hi die here
[Folio B19rb]
Hi spreect inder apostolen lere Hier sulwi proeuen ende merken 30[regelnummer] Tbeghin uander heiligher kerken Dats die heilighe kerstenheit Hoe si te gode is gheleit Van tween uolken is si comen Die cristus heuet tonsen vromen 35[regelnummer] Versament dair hi ghewis Allene een winkelsteen af is ¶ Ten eersten was die synagoge Verheuen onder den ioden hoghe Ende was voir gode allene vercoren 40[regelnummer] Eer cristus quam ende wert gheboren Doe wart si achter wairt gheset Nochtan behilden si hare wet Al was si blint in hare lere Doch was die lere in onsen here 45[regelnummer] ¶ Dair na wart die kerstenheit Van heidenscap te gode gheleit Mit prediken ende mit mirakel Die die apostolen sonder akel Deden ende leerden mede 50[regelnummer] In ghestader salichede Siin dese twee nv worden een Dair god of is die hornic steen Die si beide vergadert heuet Tere bruut die in hem leuet 55[regelnummer] Nu ist ene kerstenheit Die gods bruut bi reden heit Dese bruut uan tween pertien Doet ons ene vrage vrien Hier voren gheboot die brudegoom 60[regelnummer] Den dochtren dat sijs namen goom Dat si siin lief niet en souden wecken Tot hair seluen wel mocht mecken Nv heuet hise selue ghewect Want hi vriendelike sprect 65[regelnummer] Te hare stant op ende haeste Ende lere dine naeste Inder tijt der synagoge
[Folio B19va]
Was die wet uan lere droge Want niement was die ganse lere 70[regelnummer] Predikede uan onsen here Mer die propheten seiden wel Dat comen soude als sint gheuel In dien tiden sliep die bruut Ende hadde rust al uut ende uut 75[regelnummer] Want si ghenen arbeit deden Mit prediken uan stede te steden Mer doe cristus wart gheboren Entie apostolen vercoren Dat si souden in heren houen 80[regelnummer] Draghen die ware ghelouen Ende souden tuolc in gode bekeren Entie kerstenheit so meren Entie dope soude anegaen Doe moeste emmer die bruut opstaen 85[regelnummer] Ende nemen an hair pine ende last Dair si in hair gods kinder vast Makede dair om si sprect Die brudegom hier ende wect Die bruut ten arbeide ende ten werke 90[regelnummer] Dat si uolmaeke die heilige kerke Stant op predike ende pine Haest ende roep die kinder mine Alle menschen ende uiste niet En ontsiedi gheen verdriet 95[regelnummer] Hier mede wertstu mine vriendinne Bringhestu tuolc in mine minne Des heilighen gheest soeticheit Lere als der duue is bereit Alstu dit wel heues gedaen 100[regelnummer] Saltu billic danc ontfaen Ende du salt heten mine scone Dit spreect cristus die gods sone

Vorige Volgende

CVI Van Gods werken