Commentaar op het Hooglied
(1975)–Anoniem Commentaar op het Hooglied–
[Folio W20ra]
| |
Des moetic mi onderwinden
Dat icse in anderen boeken
Mit arbeide moet soeken
5[regelnummer]
Dair om suldi alle weten
Dat caritate minne sal heten
Mer alle minne die en is niet
Caritate als ment besiet
Want minne is ene fonteine
10[regelnummer]
Die vliet uter herten reine
Die begheringhe lopet zere
Ende in ghebruken rust si mere
Wanneer dese fonteine loopt
Ende hair in gode allene hoopt
15[regelnummer]
Ende in gode uaste bliuet
Ende hair ruste dair in driuet
So ist rechte caritate
Mer loopt si bi ander strate
Totter wereltliker lust
20[regelnummer]
So vintsi dair in ghene rust
Want die werelt hair begheringhe
Niet can gheuollen mit enigen dinge
So macht wel ene minne wesen
Dair die siele niet bi ghenesen
25[regelnummer]
Mach: wantse die sonden trecket
Dair die siele mede wart ghestrecket
Des sulwi merken ende visieren
Hoe wi best ordinieren
In ons ware caritate
30[regelnummer]
Bi wairheit in goeder mate
|
|