Commentaar op het Hooglied
(1975)–Anoniem Commentaar op het Hooglied–
Auteursrechtelijk beschermd
[Folio B17va]
| |
Die dan boom is uan scoonre stoute
Also is miin lief verheuen
10[regelnummer]
Onder die sonen die wel leuen
sicut malus inter ligna siluarum
sic dilectus meus inter filios
¶ Die brudegom gods enighe sone
Heuet versament harde scone
15[regelnummer]
Sinen uader uele kinder
Om dat hi mach siin sonder hinder
Eerst boertich in uele broedre
Ooc ist billic dat onse behoedre
Cristus die natuerlike sone
20[regelnummer]
Gods is: dat hi voir die gone
Prijs heuet die uan gracien sijn
Gods kinder ende uan herten fiin
Als die denne bouen gaet
Allen houte dat uaste staet
25[regelnummer]
In bosschen uan sconen prise
So is mijn lief in alre wise
Bouen allen sonen verheuen
Dese reden merket euen
Die bruut die hair lief wil prisen
30[regelnummer]
Na bomen ende dair bi wisen
Sine uolcomenheit wair bi
En seit si niet dat hi scone si
Ghelike den alre scoonsten boem
Want neme wi der wairheit goom
35[regelnummer]
So vint men uele bome staen
Scoonre ende bet ghedaen
Dan die dan. dair om ist wonder
Dat si dien prijst besonder
Mer sie wi wat wi inden dan
40[regelnummer]
Merken moghen so vinden wi dan
Dat si mit desen boom
Gheliket haren brudegom
¶ Die dan boom heeft pointen drie
In hem te merken als ic sie
45[regelnummer]
Die wel den brudegom toehoren
Dat si heuet an hem vercoren
¶ Teerste dat hi vruchtbair is
| |
[Folio B17vb]
| |
Ende niement vruchtbairre ghewis
Dan cristus der maghet vrucht
50[regelnummer]
Wt hem wast al in saligher tucht
Die kerstenheit uan hem comet al
So wat ie was ende werden sal
Bi sire vrucht leuet die bruut
Bi hem comt alle salicheit uut
55[regelnummer]
¶ Tander point dat heuet die dan
Dats dat hi elken man
Scade geuet die onder heme
Coelen wil mit goeder gheteme
Dus gheeft cristus coelte hem allen
60[regelnummer]
Die onder sine scade uallen
Ende begheren hem te coelen
Van sonden die si voelen
Want hi is die niement versmaet
Die onder sine scade staet
65[regelnummer]
Dair om suldi alle wete
Dat uan hem spreect die prophete
Cristus here is al ghedichte
Scade rechte uoor onse aensichte
In sinen sceme sulwi leuen
70[regelnummer]
Onder tuolc sonder sneuen
Gheloue is die rechte scade
Die uan hem comet aluan ghenade
Maria was bescade weet wale
Vanden heiligen geest te male
75[regelnummer]
Doe si des enghels woort ghelouede
Dair si des duuels macht bi clouede
Des spreect die bruut altehant
Als ic hier bescreuen vant
¶ Ic sat onder sine scade
80[regelnummer]
Die ic begheerde uan herten ghestade
Ende sine urucht is mijnre kelen
Soete bouen allen spele
sub vmbra illius quem
desiderabam sedi et fructus
85[regelnummer]
eius dulcis est gutturi meo xxix
¶ Hier spreect die glose ouerluut
Die kerstenheit die lieue bruut
| |
[Folio W19ra]
| |
Of die siele dat al eens is
In desen dude sijts ghewis
90[regelnummer]
Begheert bouen alle saken
Altoes des bomes scade ghenaken
Die bruut sit wel ende rust
In desen sceme mit soeter lust
¶ Terde point dat heuet die dan
95[regelnummer]
Dats dat hi vrucht heuet an
Die nutte ende goet is vtermaten
Dien die hem dair toe wil saten
Si is te menigher siecheden goet
Diese neemt mit rechter spoet
100[regelnummer]
Dair om spreect die bruut te hant
Sine vrucht is wel becant
Miinre keien soete te wesen
Bi deser urucht siin wi ghenesen
Van sduuels hande ende uander doot
105[regelnummer]
Dese urucht is al bloot
Der ewangelien soete lere
Die ons comt uan onsen here
Dese lere is herde zoet
Der sielen kele. want si voet
110[regelnummer]
Die reine bruut in goeden leuen
Dat si in gode heeft op gheheuen
|
|