Commentaar op het Hooglied

LXXXIIIJ Vander lelien nature

DIe lelie heuet .v. manieren
Die ic in cristus wille visieren
Si is wit scone ende clair
Dus is cristus openbair
Des spreect dauid sonder hinder
Scoon is hi uoir smenschen kinder
Die lelie geuet ooc soeten goor
Mer cristus ruket alte voor

[fol. B17ra]

 

Bouen al dat ie lijf ghewan

10

Dit oircont ons die grote man

 

Ysaac die spreect ic vinde

 

Die roke uan minen lieuen kinde

 

Als die uolle acker geuet

 

Die god ghebenedijt heuet

15

Die derde is dat si ooc niget

 

Ter airden als si blomen criget

 

Dus neech cristus onse lelie

 

Anden cruce inder martelie

 

Ten mensche uan ontfermicheit

20

¶ Tvierde dat men uan hair seit

 

Dat hair blome scone is oploken

 

Dus is cristus op gheloken

 

Te sinen vrienden mit ghenaden

 

Altoes wil hise beraden

25

¶ Ten vijften male is si crom

 

Dus is cristus merc wair om

 

Want hi den sondair wil ontfaen

 

Die der sonden of wil staen