Commentaar op het Hooglied

LXXXIJ Hoe die brudegom leert die bruut ootmoedich te sine

NV die brudegom heeft vernomen
Der bruut beromen uan desen blomen
Dair hair beddekiin is mede
Verchiert nader duechden bede
Om dat si niet en si bedrogen
In hair seluen wil hi vertoghen
Van wien si heuet dese blomen
Si mocht hair vrauelike beromen
Dat si uan hair seluen hadde die dogede
Die si in den blomen toghede
Des leert hise minnentlike
Ende warent si suetelike
¶ Ende seit ic bin des campen blome
Der dale lelie uan groten rome
ego flos campi et lilium
conuallium xxvij
Of ic seggen woude uoirwair
Dine blome openbair
Heuestu uan di seluen niet
Mer uan mi sonder verdriet
Want ic ben blome des campen allene
Van mi siin blomen al ghemene
Van di seluen heuestu niet
Blomen mar uan mi ghesciet
Dattu heues der doget blomen
Van mi moghestu di beromen
¶ Merket alle vlitelike mit zinne
Wat dese woorden dragen inne
Die de brudegom ter bruut

[fol. W18rb]

30

Spreket soetelike ouer luut

 

Ic ben bloeme des campen verstaet

 

Wair dese glose henen gaet

 

Die camp dair dese bloeme

 

Of comt is van groten roeme

35

Dats wel die reine marie

 

Die was uan allen wandel vrie

 

Want den camp en eert men niet

 

Mer die blome die men siet

 

Dair in staen die wassen rene

40

Van sÜeticheden al ghemene

 

Dus en was maria niet

 

Beulect uan enichs mans diet

 

Ooc is des camps sueticheit

 

Allen luden wel bereit

45

Die soeken willen salichede

 

Sine versmaden dats wairhede

 

Creature no mensche gene

 

Die ghenade mit bittren wene

 

An hair soeket entie hairs gheert

50

Wart sine salicheit ghemeert

 

Des campen bloeme is die gome

 

Die gheweldich is gods sone

 

Ende ooc mede marien kint

 

Salichlike als men vint

55

In desen woorde werden wi wel

 

Gheleert dat wi niet te snel

 

An ons trecken enigen prijs

 

Want wi uan ons in ghere wijs

 

En hebben dair onse lof in leget

60

Als ons sinte paulus seghet

 

Wat heuestu dat di niet is

 

Van gode ghegeuen al ghewis