Commentaar op het Hooglied


LXXVIIJ Vander minnen huse DEse huse sijn alle conuente Die ghesparret siin omtrente Van uasten sparren die sijn uan cedar So dat si iegen wint noch weder 5[regelnummer] Der coringhe iet winnen mach mit stormen Dit siin prelaten der doget vormen Die sullen wesen tallen vren Al na des cederboome naturen Die ceder is hart ende ruket wale 10[regelnummer] Dus sal siin bi ware tale Die ouerste diet conuent b[erecht] Hi sal starc siin int ghe[uecht] Des duuels ende der werelt mede Hi sal ruken uan goeden zede 15[regelnummer] Ende uan ontfermicheit altoes In wairheit sal hi niet siin loes Die cederboom verrot ooc niet Entie prelate wat hi siet Of vernemet dat sal hi li[den] 20[regelnummer] Ende hardicheit altoes v[ermi]den Tieghen sinen onderdaen Dat gommin dat men vut siet gaen Vten cedar dats wel goet Ende nuttelic te menigher spoet 25[regelnummer] Het maket sieke lude ghesont Dus sal douerste in alre stont Die cranke troesten ende ghenesen Ceders gomme als wi lesen Verdriuet mit sinen roke serpenten 30[regelnummer] Dus sal die ouerste in sinen conuenten Mit goeden exemplen ende mit lere Den viant verdriuen vere Die vlieghen vlien ooc vander lucht [D]es cedere: dus sal ooc mit tucht 35[regelnummer] Des ouersten lere al veriaghen Ghedanke die de sielen bedragen
[Folio W17vb]
Mit vulen wille ende quaden begare Dair die siele of heuet dare Die berechter moeten siin 40[regelnummer] Billic sparren uan cedrijn