Commentaar op het Hooglied


LXXIIIJ Echt een vraghen Hier ontmoeten mi .ij. vraghen Die miin herte sere versaghen Want si siin mi diepe verborghen Des moet ic hier siin in sorghen 5[regelnummer] Sal icker recht antwoorde op geuen
[Folio W16va]
Ay god behoede mi uan sneuen Ende ueruulle in mi dit woort Dattuut mit dauid bringes voort ¶ Lukes op dine mont ic sal 10[regelnummer] Dien ueruollen ouer al Dair om biddic. bidt mit mi Dat mi dit veruullet si Ende ic dese vraghen ontbinde Dat men mi in die wairheit vinde 15[regelnummer] Om dit te weten suldi weten Dat cristus is gods woort gheheten Die dese brudegom ooc is Dair ic of scriue dese les ¶ Dese vraghe is hoe gods woort 20[regelnummer] Ander woorde bringhet voort Ter sielen dat is toter bruut Dat ooc die kerstenheit beduut Ende hoe die bruut twoort verstaet ¶ Dander uraghe sonder baraet 25[regelnummer] Is wat tonghe die siele heuet Dair si woorde bi weder gheuet Dat gode woort wel mach verstaen Hier neem ic groot arbeit aen ¶ O gode woort nv geeft mi woort 30[regelnummer] Dat ic so dese woorde voort Bringhe mit woorde so wie dit hoort Dat hi bi mi niet werde verdoort Ende want du rechte wairheit bist Lieue here ihesu crist 35[regelnummer] Ende gods woort geeft mi nv list Dit te claren sonder vrist