Commentaar op het Hooglied

LXXJ Vander duuen nature

DIe duue heeft manieren seuen
Dair si natuerlic in moet leuen
Die der sielen wel betemen
Die cristus teenre bruut wil nemen
Sonderlinghe dat is voor wair
Mitter scrift wel openbair
¶ Teerste is dat si gairne nest
Inden steen dairt hare is best
Die steen ons cristus wel beduut
In hem nestelt die gods bruut
¶ Die duue vreemde ionghe voet
Dit selue die heilighe kerke doet

[fol. W15va]

 

Want menich dies duuels is

 

Voet die heilighe kerke ghewis

15

¶ Die duue heit al reine saet

 

Entie kerstenheit verstaet

 

Reine lere in allen quaden

 

Dair die quade ons mede scaden

 

Want vten ioden enten heiden

20

Entie bugger die doget verleiden

 

So soect die reine wairde bruut

 

Die reine wairheit altoes vut

 

¶ Die duue en heue gene galle

 

Sone doet die bruut mit alle

25

Genen hat noch genen nijt

 

Heuet die bruut tenigher tijt

 

¶ Die duue quetst te genen dingen

 

Die duue dus is sonderlinghen

 

Onnosel die kerke ende sonder hat

30

Des is den sondair uele te bat

 

¶ Die duue sit ghairne op die riuieren

 

Om dat si die felle manieren

 

Vanden sparwair mach versien

 

Also pleecht die bruut te tien

35

Vter riuieren uander scricht

 

Des duuels menige felle plicht

 

Die hi hair mit coringhen aen

 

Brinct die leert si wederstaen

 

¶ Die duue wandelt node allene

40

Mer mit gheselscap int gemene

 

Aldus doet die goede mensche

 

Diene begheert niet tsinen wensche

 

Allene in hemelrike te comen

 

Mer hi wil alle mensche vromen

45

Ende mit hem trecken of hi mach

 

Des piint hi hem nacht ende dach