Commentaar op het Hooglied

(1975)–Anoniem Commentaar op het Hooglied– rechtenstatus


LXV Noch vander passien risekiin ende uanden seuen tiden Sich ooc bruut ende neme goom Hoe hi andes crucen boom In menigen pointe di bereide Risekiin uan bitterheide 5[regelnummer] Om di wart diin soete lief Versmaet als een onwairt dief Hi wart uanden vuulen honden Versmadelike vaste ghebonden Hi was lasterlic gheleit 10[regelnummer] Menich slach was hem bereit Si dreuen mit hem menich spot Ghelike of hi ware een sot Dit ghesciede ter mettentijt Van vulre ioden nijt
[Folio W13rb]
15[regelnummer] ¶ Merc ooc hoe hi uoir pilate Wert gheleet mit groter onmate Ende hoe si dair mit ualscher claghen Hem te doden uast op laghen Van hate ende uan groten nide 20[regelnummer] Dit ghesciede te primetide ¶ Merc hoe hi te tercien stonden An die colomme was ghebonden Ende ghegeselt ende doorhouwen Veroirdelt bespot mit rouwen 25[regelnummer] Mit enen purpre dair ghecleet Ene doorne crone was hem bereet Siin cruce hi ooc selue droech Dat was bitter ongheuoech ¶ Ter sexten tijt wart hi gheslaghen 30[regelnummer] Anden cruce mit groter plaghen Ende hinc tusschen ij moirdenair Nem ooc te sinen woorden wair Die hi anden cruce sprac Eer hem dat soete herte brac 35[regelnummer] Hi sprac uader verghif desen Die dit doen ende laetste ghenesen Want si weten niet voirwair Wat si doen al openbair Hi sprac totten mordenare 40[regelnummer] Anderwarf ic segdi ware Du salt huden mit mi sijn Int paradijs uan vrouden fijn ¶ Ten derden male sprac hi der moeder Toe. ende gaf hair eenen hoeder 45[regelnummer] Sinte ian ewangelist Dien hi ghetrouwe ende reine wist ¶ Ten vierden male sprac hi mit saten Miin god wes heuestu mi ghelaten ¶ Mi dorst sprac hi ter vijfster stonden 50[regelnummer] Dat was boete onser sonden ¶ Ten sesten sprac hi dese tale Hets uolmaket alte male ¶ Ten seuenden male ihesus seide In dine hant in dine gheleide
[Folio W13va]
55[regelnummer] Beuelic uader den gheest mijn Dit doet ons sinte lucas scijn ¶ Ter noenen hinc hi herde vast Ghenaghelt ander crucen mast Dair men scinkede al mit alle 60[regelnummer] Mirre edic ende bittre galle Den gheest gaf hi op dair na Ende starf dair na als ic versta ¶ Hi wart dair na te uespertide Mit enen spere in sine side 65[regelnummer] Ghesteken dair water ende bloet Beide te samen vte woet ¶ O bruut dat was dit sacrament Dat di daghelics is bekent Hier in rechter salicheit 70[regelnummer] Ende dinen leden is bereit Dair wi in hem bi uolstaen Hi wart ooc uanden cruce gedaen ¶ Hi wart begrauen te compleet tide Entie wiuen die omblide 75[regelnummer] Waren uan sire bitter doot Beweenden ooc mit rouwen groot Dese risekiin alte samen Heuet die bruut al sonder scamen Ghelesen in een bondekijn 80[regelnummer] Om dat hair int herte mach sijn Ene ghehoghenisse uan minnen Die si draget mit gansen zinnen Dair om seit si sonder vorst Het sal tusschen mine borst 85[regelnummer] Wonen: dats in mijnre herten Salt mi uan minnen altoes smerten Dat is dan die rechte sin Miins liefs dogen is mi in Van ghedachten ende uan smerten 90[regelnummer] Altoes te dragen in mijnre herten

Vorige Volgende

LXV Noch vander passien risekiin ende uanden seuen tiden