Commentaar op het Hooglied


LXII Van rechter ootmoedicheit Nem exempel ende lere Van ihesum cristum onsen here Die altoes ootmoedich was Hi bleef inder oetmoeden pas 5[regelnummer] Hier op airtrike al siin leuen An hem mochte nie ulecke cleuen Hi ootmoedichde hem ter doot Den uader hi gehoirsam boot Dit selue spreect die kerstenheit 10[regelnummer] Al is hair menighe noot bereit In desen tiden dat hair lief rust In des hemels troon mit soeter lust Hoe nardus is ootmoedicheit Heuet die werelt al bespreit 15[regelnummer] Ende want si ghairne liden wille Dair om zwighet si des niet stille Si en is dair toe wel bereit Dair om spreket si ende seit Na desen woorden alte hant 20[regelnummer] Om der wairre minnen bant ¶ Miin lief is mi int herte mijn Een busschelkiin uan mirre fijn Het sal om der minnen dorst Wonen tusschen mine borst 25[regelnummer] fasciculus mirre dilectus meus michi inter vbera mea commorabitur xxij ¶ Die bruut heuet wel gheuoeghet In ootmoet die hair wel ghenoeget Te haren lieue want si wel weet 30[regelnummer] Dat si niet en is bereet Hem te sien uolcomelike Als hi is in sinen rike
[Folio W12rb]
Dair om heuet si wel besproken Dat hair nardus is op loken 35[regelnummer] Soete in ware ootmoedicheit Dats al in verduldicheit Des spreect si nv verduldelike Ic sal liden blidelike Ende denken miins liefs ende siin dogen 40[regelnummer] Hier sulwi alle nauwe poghen Dat dese woirden dragen binnen Ende vlieten ons ter ware minnen