Commentaar op het Hooglied

(1975)–Anoniem Commentaar op het Hooglied– rechtenstatus


LVIJ Vanden rechten gheloue DEr bruut ghespele bringen voort Al hier troestelike woort Hier uoren begheerde die bruut te sien Hair lief dan mach noch niet ghescien 5[regelnummer] Dair hi inden middaghe rust In desen liue mit groter lust Des troesten si die bruut hier Si willen hair clenode dier Maken dat si desen tijt 10[regelnummer] Te rusteliker werden quiit Sulwi dat te rechte uerstaen So moet wi uander letter gaen Ende vinden een gheuoech hier vut
[Folio W11va]
Dat uertroesten mach die bruut 15[regelnummer] Sinte paulus brinct ons voren Dat gheloue comt van horen Alse langhe als wi hier siin Wandel bider ghelouen sciin Ende reine herte mach ghescien 20[regelnummer] Allene dat si gode sal sien Ende gheloue maket herten rene Dit verstaet wel al ghemene Die bruut wil sien. mer hair gebrect Ghereetscap diese te sien trect 25[regelnummer] Dair om willen hair ghespele Scone ghereetscap maken uele ¶ Teerste is dat si haren moet Dat rechte gheloue uan goude goet Dats uander ouerster wijsheit 30[regelnummer] Die wel biden goude is gheleit Dus verchiert gheloue die oren Dair die oerringhe toe horen Die te rechte desen sin Verstaen wille die dese woorden in 35[regelnummer] Dragen die vernemen nu wale Ende versta der magheden tale Dus heten alle der bruut lede Ende dochtren uan iherusalem mede Ooc heten si ghespele der bruut 40[regelnummer] Dat alle kerstine wel beduut ¶ Die bruut woude gheerne sien Hair lief dat hair niet ghescien Noch en mach uolcomelike Als hi is in sinen rike 45[regelnummer] Want si noch ghebrecs heeft vele ¶ Dair om spreken hair ghespele Wi sullen di oer ringhe van goude Maken ende chierheit menichfoude Mit seluer scone gheformiert 50[regelnummer] Dats mit seluer wel versiert MURENULAS AUREAS FACIEMUS TIBI VERMICULATAS ARGENTO xx Drie woorde siin in desen sin
[Folio W11vb]
Die ons leringhe bringen in 55[regelnummer] Oerringhe seluer ende gout Biden oerringhe wel onthout Ende merke die pointen der ghelouen Die sceiden vandes duuels clouen Die hanghen ander bruut oren 60[regelnummer] Want si ontfaet gheloue bi horen ¶ Dese pointen siin van goude Dats uan wiisheit menichfoude Die ons uan gode siin gheleert Dair of wart gheloue gemeert 65[regelnummer] Dits der gods bruut eerste cleit Dair si te gode eerst mede gheit Dat seluer beduut ons die sprake Dair men mede. in ware sake Dat gheloue ouer al 70[regelnummer] Prediken ende zaien sal Dat sal siin in wijsheit verheuen Ende den menschen vorme gheuen Dese drie rechte verchieren Die salighe bruut in alre manieren 75[regelnummer] Dese chierheit maken der bruut kinder Die gods woort saien sonder hinder Ende verchieren die moeder kerke Mit leuen. woirde. ende werke

Vorige Volgende

LVIJ Vanden rechten gheloue