Commentaar op het Hooglied
(1975)–Anoniem Commentaar op het Hooglied–
Auteursrechtelijk beschermd
[Folio B13ra]
| |
Die selue leden menich seer
Om dat si die heilighe kerken
Mochten hoeden ende sterken
5[regelnummer]
Dese en hadden ghene macht
Van haren wijngairde noch acht
Mer die wiingairde die hem waren
Beuolen dat sijn die sielen twaren
Dair uoren storuen si ghereit
10[regelnummer]
Van desen leden die bruut seit
Minen wiingaert en heb ic niet
Ghehoet mar nv ist ghesciet
Dat si in uele wiingaerden
Hebben gheset wel te wairden
15[regelnummer]
Lieue mensche merc ende lere
Ende dine herte in gode kere
Ende acht diins selues wijngaert niet
Dats diins leuens wat ghesciet
Lat dinen wille: dijn uleesch castie
20[regelnummer]
Om salicheit ende vernie
Di mit duechden so saltu wale
Diin siele verliesen na gods tale
Want si wart wiseliker verloren
Om gode dan behoet in toren
25[regelnummer]
Die sine siele wil salich maken
Salse uerliesen ende gode naken
Wat willen die hier wederseggen
Die haren wille uele meer leggen
Hoe si hare ghenoechte winnen
30[regelnummer]
Van haren uleesche. dan gode te minnen
¶ Ypocras entie philisijn
Leren in deser werelt scijn
Tlijf uoeden ende weeldich maken
Ende cristus leert in allen saken
35[regelnummer]
Tlijf uerliesen om salicheit
Hier was hi selue toe bereit
Des seit hi die sine siele mint
Salse verliesen als men vint
In martelien in liden in doghen
40[regelnummer]
Ende na die hulde gods poghen
Ende inden vleesche niet te achten
| |
[Folio B13rb]
| |
Dese mach anderen wiingaert wachten
Want hine uoirsiet dat sine niet
Mer dat god is ende voirsiet
45[regelnummer]
Ghi sult proeuen ende merken
Als ic spreke die heilighe kerke
Of kerstenheit of die bruut
Of die siele dat alleen luut
In desen salighen bruut sanghe
50[regelnummer]
Dair ic ouer dichte so langhe
Dat doet mi beide ghebrec van zinne
Ende onlede ende crancke minne
Die leider dicwile in mi is
Dats mi een groot ghemis
55[regelnummer]
Dair om roepic gode hier anen
Mit droeuer herten ende mit tranen
Dat hi mine sinne verclare
Ende gheue mi woort al openbare
Tenden dat ic hebbe begonnen
60[regelnummer]
Des moete mi sine doghet ionnen
|
|