Commentaar op het Hooglied



[Folio W10rb]
XLIIJ Van Gods wiingaerde Doe gods wiingaert eerst began Inder kerstenhede dan Ende gods woort in iherusalem Ghesaeit wert verbolghen hem 5[regelnummer] Die ioden die gods woort verstoorden Ende menighen kersten dair om vermoorden Doe was der kerstine wiingaert In den eersten niet wel bewairt Want die ioden en wouden niet 10[regelnummer] Gheloue ontfanghen wats gesciet Dair om spraken die gods boden Gods woort is v eerst gheboden Ende want ghi uan v dat verdriuet Ende gods hulde v onwairt bliuet 15[regelnummer] Dair om keren wi ten heiden Die gods woirden ghairne ontbeiden ¶ Mer doe twoirt ons heren quam Onder die heiden als ict vernam Doe wart die wijngaert ghebreit 20[regelnummer] Ende ghemeert die kerstenheit Si wort vut eenre stat geworpen Mer alle steden ende alle dorpen Besit si nv: want sich al omme Die werelt dÜere. recht ende cromme 25[regelnummer] Die kerstenheit is ouer al Ghewassen uanden eersten val Dus hoeden si ten eersten niet Haren wiingaert als ghi siet Mer nv is si gheset te wachten 30[regelnummer] Alle die wingaerde die gods achten Dats alle die gene kersten name Hebben: wacht si sonder scame