Commentaar op het Hooglied

XXXVIII Vanden quaden die die kerke verdrucken

M ... mach ...eb
...
Dair se ...
Die ...
... i
... r ... i
Dat si ...
...
...
...
Tieghen ... gheuochten
Miinre moeder kinder ... ochten
FILII MATRIS MEE
PUNGNAUERUNT CONTRA ME xij
Dit woirt ma ... a ... w[e]l
Als wat ua... o ... vn ...
... ihesum cristum d[an]d[er] woort
Spreken mach ende bringen voort
Ioden kinder der synagogen
Dair of quam ihesus sonder loghen
Die waren sine broeder wale
Der moeder kinder altemale
Mer des uader kinder waren si niet
Want die duuel die hem riet
Dat si ihesum souden verslaen
Dat was hair vader als ons verstaen
God selue deet in deser tale
Ghi sijt uten vader altemale
Dien duuel. want ghi die werke
Vwes vader doet wel sterke
Si vochten tiegen mi mit woorde
Mit fellen werke. ende mit moorde
Si doden an dat cruce ten lesten
Dat ons allen quam ten besten
Menighen si dair na ooc doden
Ende verderueden in groten noden

[fol. W9va]

 

Die alle sine vriende waren

 

Si dodense mit groter scaren

 

Sinte steuen steenden si

40

Ende uele andre heiligen vri

 

Doden si mit werke ende mit rade

 

Noch sijn si sonder ghenade

 

Ieghen die ker[st]ine dair si mogen

 

Na allen quade si noch pogen

45

Noch moghedi merken zin

 

Die die gloze bringhet in

 

Vander bruut der kerstenheit

 

Want uanden brudegom is geseit

 

¶ Nv hoort wat si spreken mach

50

Miinre moeder kinder nacht ende dach

 

Hebben tiegen mi gheuochten

 

Mit quaetheit al sonder vrochten

 

¶ O dochtren uan iherusalem

 

Wat wondert v dat ic zwart ben

55

Sie di niet dat mine broeder

 

Niet uan uader mer uan moeder

 

Mi doen pine ende verdriet

 

Hier merket alle ende besiet

 

Wie mach der kerstenheit moeder

60

Siin: ende wie hair broeder

 

Die den uader niet bestaen

 

Hier merken wi wonder aen

 

¶ Ay wairdighe god heilighe geest

 

Nv faelgier ic alre meest

65

Op desen grondelosen zin

 

Die die letter hier brinct in

 

Com heilich geest in minen zinne

 

Ende tone mi mit dijnre minne

 

Ghif mi uolleest ende lere

70

Dat ic desen sin so kere

 

Datmen der wairheit vut mach tien

 

Ende salich altoes in sien