Commentaar op het Hooglied

(1975)–Anoniem Commentaar op het Hooglied– rechtenstatus


XXIIIJ Hoe die name Ihesus is oly O zoete ende lieue brudegom Ic merke wel ende neme goom Dat mine borsten di siin bequame Dat comet uan dinen soeten name 5[regelnummer] Die socht is uan ontfermicheit Want uan di ist mi bereit Dat ic hebbe of wat ic bin Van mi seluen en heb ic niet in Oli die besloten is 10[regelnummer] In siins vaets behoudenis Die geuet ghene roke buten Mer als men tvat moet ontsluten
[Folio B7bra]
So moet hi ouer al dan ruken Dit mogen wi dan uan kerst op luken 15[regelnummer] Die oli is alre ghenaden Hoe hi in godliker staden Verborghen was in des uaders scoot Entie werelt hadde noot Doe gaf hi roke en gheen 20[regelnummer] Ende roeken iement dat was cleen Vanden uadren die voir ons waren Mer doe hi hem woude openbaren Ende wart in onsen uleesche ghegoten Dair hi hem ons woude ghenoten 25[regelnummer] Ende sine kennisse wart bereit Sinen name ouer al ghebreit Doe wart ghestort die oli name Dats ihesus die ons is bequame Of cristus dat so uele luut 30[regelnummer] Die ghesaluet is vut ende vut Hier voren inder ouder wet Wast uan gode soe gheset Dat men saluen plach coninge Propheten ende papen sonderlinghe 35[regelnummer] Doe was god allene bekent Vander ioedscap al omtrent Sine name was besloten uast Inder ouder ewen last Want toude ioedsche diet 40[regelnummer] Wilde uan ihesum cristum niet Mer doe cristus hier was comen Ende [hat die] menscheit an ghenomen Doe wart die oli name ghestort Die in marien was begort 45[regelnummer] Mensche na ... zede Sonder enige beulectheit So wart hi uanden hemel hier In der maghet ghestort scier S[t]iit doe hi ons was gheboren 50[regelnummer] Wart hi vut ghestort ons voren Beide ioden ende heiden Ende alle die hem dair toe reiden
[Folio B7brb]
Dat si sine lere namen Ende worden kersten sonder scamen 55[regelnummer] Ende wie den dope doe ontfinc Dien gaf hi doe die salighe dinc Keersem ende oli dair men mede Besaluede na der coninghen zede ¶ Doe wert die oli name wide 60[regelnummer] Vut ghestort in allen zide Want dese name is nv ghespreit Van oosten dair die sonne op gheit Ten westen dair si neder gaet Dese woorden aldus verstaet 65[regelnummer] Dat dese name ihesus kerst Nemmerme ghewinnet berst Mer dat hi sonder enich termijn Emmermee gheeert sal sijn Cristus ons ghesaluer luut 70[regelnummer] Dat die scrift aldus beduut Dat hi mit oli der vrolichede Is ghesaluet na conincs zede Vanden uader uoir al ghenoten Des heet siin name wel vut ghegoten 75[regelnummer] Oli ooc is dese name Ihesus ons allen wel bequame Die luut verlosser ouer al Dese name is inder wereltdal Wte ghegoten oli reine 80[regelnummer] Want niement is groot no cleine Die uan sire ontfermicheit Die in sine name leit Ghene gracie en heuet ontfaen ¶ Inden oli sulwi verstaen 85[regelnummer] Zes duechden die ons cristus geuet Den ghenen die in gode leuet Oli luut ontfermicheit Want cristus is ons die bereit Oli betekent ons oec vrede 90[regelnummer] Oli gheneset ghewonde lede Oli lauet oec die sieken Oli lucht wel inden wieken
[Folio B7bva]
¶ Oli bouen allen uate vliet Dese pointen als men siet 95[regelnummer] Dats ons ihesus heuet ghebracht In sire zoeter namen cracht Van sire groter ontfermicheit Is hier bouen v gheseit Hoe si ruket vten borsten 100[regelnummer] Beide den lesten ende den vorsten Ghi hebt ooc int eerste vernomen Hoe ons mit hem vrede is comen Dair om laten wi dat hier staen ¶ Ten derden pointe wil wi gaen 105[regelnummer] Hoe hi onse wonde heeft ghenesen Dat moeste mit sinen wonden wesen Die hi an den cruce ontfinc Dair dat soete bloet vut ginc Dat noch saluet onse wonden 110[regelnummer] Die wi winnen uanden sonden ¶ Ten vierden male geuet hi ghesonde Die hier siec siin talre stonde Hi lauet ons mit rechter lere Ooc lucht ons die suete here 115[regelnummer] Mit miracle ende mit werke Dat noch hout die heilige kerke Hi vliet ooc bouen alle uate Want hi in godliken sate Bouen allen heiligen gaet 120[regelnummer] Inder salicheden staet ¶ Al ist sake dat hi heuet Vele namen die hem geuet Die scrift om menigherande werke Die hi doet in sine sterke 125[regelnummer] ¶ Doch besluut die name ihesus In tween pointen emmer dus Alle die namen hoemen nomet In twe pointen dat wel comet Want men verstaet sine mogentheit 130[regelnummer] Dair in of goedertierenheit Vander mogentheiden name Scrijft ons dauid sonder blame
[Folio B7bvb]
Siin name is heilich ende anxtelijc Van sire grootheit spreket ghelijc 135[regelnummer] Sinte pieter dat name en ghene Is onder den hemel dair wi ghemene In behouden mogen bliuen Dan inden name die wi scriuen Ihesus. des spreket hi selue wale 140[regelnummer] Inder ewangelien tale So wat ghi bidt minen vader In minen name nemet hi al gader Ihesus is honich inden monde Inden oren soete oirconde 145[regelnummer] Ende ene vroude inder herten Ene medicine in allen smerten Dair om sprac die reine bruut Dine name is oli ghestort vut Dit sulwi also verstaen 150[regelnummer] Dat aldie werelt heeft ontfaen Den oli alre salicheit Die ute dinen name gheit Ende is ghestort ons in ghenaden Want bi di is alle mensche beraden 155[regelnummer] ¶ Want so wie is bedroeuet Hi denke ihesus als hijs behoeuet Hi wart ghetroest alte hant Valt iement inder sonden pant Hi roepe dese name aen 160[regelnummer] Hi wort ghenesen sonder waen Want dese name slecht alle toirne Ende breket der houairden hoirne Ihesus ganset talre tijt Sonde uan hate ende van nijt 165[regelnummer] Der onreinicheden vloet Verdriuet hi mit groter spoet Den dorst der quader ghiericheit Wart bi hem en wech gheleit Ende alle sondelike male 170[regelnummer] Verdrijft dese name wale ¶ Dair om spreect die bruut ghereit Wie des namen doget wel weit
[Folio B8ra]
Want dine name is also goet Dat hi mi geuet rechte boet 175[regelnummer] Dair om hebben di ghemint Die ionghe ghespele die men vint In suuerheit cuusch ende reine Dats goede sielen al ghemeine Die vandi hebben wel vernomen 180[regelnummer] Sachtheit. die hem toe is Van minen borsten bi dinen name Die altoes soet is ende bequame Als die maechden hebben gheroken Van dinen name die is op loken 185[regelnummer] Oli dair of siin si gheroert Ende in dine minne ghevoert Want si te zere dair om di minnen Merc wat dit woirt heuet binnen

Vorige Volgende

XXIIIJ Hoe die name Ihesus is oly