Commentaar op het Hooglied
(1975)–Anoniem Commentaar op het Hooglied–
Auteursrechtelijk beschermd
[Folio W4rb]
| |
Die hem doe allene behaghet
So dat si mit staden sinne
Hair keerde an gods minne
Maria dese maghet hiet
10[regelnummer]
Als die enghel voren besciet
Doe si van gode wart vercoren
Eer si uan moeder wart gheboren
Nv legg[en] ... [n]eder
Tot dat ic dair toe come weder
15[regelnummer]
Dat ic na der scrift ghelach
Vorder dair of spreken mach
O minne ghebenedide minne
Die ye wairs voir alle beghinne
Bi di is ons salicheit inne
20[regelnummer]
Ende der hulden gods ghewinne
Bi di is alle dinc ghemaect
Minne bi di is niet misraect
Bi di wart alle quaet gheswaket
Ende al goet te rechte ghesaket
25[regelnummer]
Bi di so werden alle ghedacht
In goede gheroert al ere uolbracht
Bi di wart al werc uolwracht
Ende alle dinc voer gode gheacht
Bi di wert der sonden boet
30[regelnummer]
Bi di crighen wi touerste goet
Bi di heb wi ter doghet spoet
Bi di niement quaet en doet
Bi di leuet al dat leuet
Bi di god alle gauen gheuet
35[regelnummer]
Bi di emmer niement sneuet
Bi di men alle gracie heuet
Bi di wart ooc ghegheuen glorie
Bi di der salicheit memorie
Comet ende der sonden victorie
40[regelnummer]
Bi di bekent men alle hystorie
Bi di comet alle wairheit voort
Bi di en wart gheen recht versmoort
Bi di wart alle lere ghehoort
Bi di ontfaen wi gods woort
45[regelnummer]
Bi di werden wi in gode gheset
| |
[Folio W4va]
| |
Bi di ontfaet god onse ghebet
Bi di is al quaet ghelet
Bi di is salich beide wet
Sonder di en heuet gheen here
50[regelnummer]
Durende lanc goet ende ere
Sonder minne mach nemmermere
Doghet siin of rechte lere
Sonder minne doech geen present
Sonder minne doech geen conuent
55[regelnummer]
Sonder minne ist ombekent
Voir gode wat men doir hem sent
Cortelike alle dinghe
Ombequame sonderlinghe
Voir gode ende inder werelt ringhe
60[regelnummer]
Wat niet heeft aneghehinghe
¶ Ay minne die god selue bist
Verlene mi sin ende list
Dat ic in miins leuens vrist
Minlike diene onsen here crist
65[regelnummer]
God door sine suete minne
Verlichte nv mine sinne
Dat ic salighen ende ghewinne
Van desen dichte dat ic beghinne
Ghif mi tscriuen ende dichten
70[regelnummer]
Entie wairheit so verlichten
Dat ic die lude mach berichten
Mit rechter lere sonder plichten
Van minnen is mi ane comen
Te dichten des ic nauwe wil gomen
75[regelnummer]
Dat ic dair mede moghe vromen
Alle menschen niet hem somen
|
|