De C.L. psalmen des conincklijcken propheten Davids

Iohannes Hussen Liedt.

IEsus CHRIstus onse Heylandt,
Die van ons den thoorne Godes wandt,
Door dat bitter Lijden zijn,
Holp hy ons wt der Hellen pijn.

2. Dat wy nimmer des vergeten,
Gaff hy ons syn Lichaem t'Eten,
Verborghen in dat Broot so cleyn,
End te Drincken syn Bloet in Wijn.

3. Wie hem totten Disch wil maecken
Die heb wel acht op syne saecken,
Want wie Onwaerdich hier toe gaet,
Voor t'Leven hy den Doot ontfaet.

4. Ghy soudt Godt den Vader prijsen,
Dat hy dy soo wel woude spijsen,

[fol.  Ccxvij.r]

 

End voor dijne Missedaet

 

In doot syn Soon ghegheven haedt.

 

 

 

5. Ghy soudt ghelooven en niet wancken

 

Dat een Spijse is der Crancken,

 

Dien haer Hert van Sonden swaer,

 

End van Ancxt is bedroevet gaer.

 

 

 

6. Sulck ghenade end barmherticheyt

 

Soeckt een Hert in grooten Arbeyt,

 

Is dy wel, soo blijft daer van,

 

Dat ghy niet crijcht quaden Loon.

 

 

 

7. Hy spreeckt selver coemt ghy Armen

 

Laet my over u Ontfarmen,

 

Gheen Meyster is den stercken noot,

 

Syn Const en acht hy oock niet groot,

 

 

 

8. Had' ghy selfs wat connen verwerven

 

Wat hoefd' ick dan voor dy te sterven?

 

Dees disch dy oock niet aengaet,

 

Ist dat ghy selvest weten raedt.

 

 

 

9. Ghelooft ghy van herten gronde

 

En bekennet met den Monde,

 

Soo zijt ghy recht wel gheschickt,

 

Die Spijse dan dijn Siel verquickt.

 

 

 

10. Die Vrucht sal oock niet wt blijven

 

Dijnen Naesten sout ghy Lieven,

 

Dat hy dijns gheniet voortaen

 

Ghelijck God heeft aen dy ghedaen.