De C.L. psalmen des conincklijcken propheten Davids

Die I I I. Compositie des Vader Onses.

VAder Onse dy bidden wy,
Als ons gaet leeren JEsus Christ,
Verhoor dijn kindren, maeck ons bly
Want ghy voorwaer Barmhertich bist,
In s'Hemels Throon bist sonder waen,
Als ons dijn Woort recht leeren doet,

[fol.  Ccxj.v]

 

 

Noch steets dijn Macht by Dach ende Nacht,

 

Ons hier op Aerden behoudt in Hoed'.

 

 

 

2. Geheylicht word' dijn Naem so groot

 

Die alleen ons ten HEmel helpt,

 

Hy is Almachtich sonder Maet,

 

Verhoor dijn Ghemeen die tot dy gelpt,

 

Dat ons all' ghelijck toecom dijn Rijck,

 

Daer in wy Eewich heyrschend' zijnt,

 

Dijn Wil hier als in HEmel werd',

 

Daer met maeck ons dijn gehoorsaem Kindt.

 

 

 

3. Verleent ons huyd' ons Daeg'lijcx Broot,

 

Tot Siel ende Lijff dat bidden wy,

 

Vergheeft ons onse Schult, geeft Raedt,

 

Dat wy van gantscher Herten vry,

 

Vergeven rondt des Naesten Sond'

 

In gheen Versoeckingh' voer ons niet,

 

Niet gheeft den Vyandt (O Godt) dijn Kindt,

 

Sonder maeckt ons der Sonder quijt.