De C.L. psalmen des conincklijcken propheten Davids

De I I. Vader Onse.

OCh onse Vader ghy die zijt, Int Hemelrijck,
Hooch over ons, dies in den Geest, wilt Aengebedet weerden,
Dijn Heylig' Naem word' wtghebreydt, gheweldichlijck,
Geeert behoorlijck aldermeest, in HEmel end op Eerden,

[fol.  Ccx.v]

 

 

Dat Rijck der Genaden ons toecom, En doe in ons beclijven,

 

End wat in ons is Onbetaem, Dat wilt van ons wt drijven,

 

Op dat wy mogen al te saem In dijnen Rijcke blijven.

 

 

 

2. Ach heylig' HEEr noch bidden wy dijn wil gheschie

 

Op Aerden hier in allen Staet, Als in den HEmelrijcke,

 

Want daerwaerts niemant comen can Noch mach bestaen,

 

Dan die alleyn den Willen zijn met dijnen gaet verlijcken,

 

End gheeft ons onse Daeg'lijcx Broot, Den Lichaem syne spijse,

 

Der Zielen oock dijn Godlijck Woort, Tot dijnes Names prijse,

 

Daer met ghy ons ter Salicheyt Den rechten Wech doet wijsen.

 

 

 

3. Al onse Schult end Missedaet Ons HEEr verlaet,

[fol.  Ccxj.r]

 

Waer door wy dy verthoornet haen, Dat wilt ons niet toe meten,

 

Want wy ons Schuldenaren doen Nae sulcke Maet,

 

Waer met sy ons beleydig't haen, Dat willen wy vergeten,

 

In gheen versoecking' ons Invoer, Daer in wy mochten verderven,

 

Voor allen Quaden ons bewaer, Daer van die Siele mocht sterven

 

End maeckt ons Eewich Allegaer, In dijnen Rijck tot Erven.