De C.L. psalmen des conincklijcken propheten Davids

Psalm. XXIIII. Domini est.

Op die Voys, Hoe spreeckt der Onwijsen Mont wel.

Die gantsche Aerd' al vol end' swaer
Met al die daer op woonen,
Het is des HEEren allegaer,
Sijn Macht gaet hy bethoonen,
Tis wonder boven alle Maet,
Hoe doch die sware Last bestaet,
Fondeert alleen op Water?

2. Wie sal gaen op des HEEren Bergh
Staen in zijn Heyligh' Stede?
Diens, Handen suyver sonder Argh,
Is Reyn van Herten mede,
Die sal in s'HEEren Segen gaen,
Gherechticheyt daer toe ontfaen,
Van Godt syn Heylandt milde.

3. Dat ist Geslacht dat nae hem vraecht
Gaet Jacobs Aensicht soecken,
Des Werelts Princen Onvertzaecht,
Maeckt op in allen Hoecken,
Die Poorten wijt, die Deuren hooch,
Dat daer mach in gaen met ghevoech?
Den Coninck groot van Eeren,

[fol.  xxvj.r]

 

4. Wie is den Coninck groot van Eer?

 

Hy sal niet blijven buyten,

 

Het is een soo Almachtich HEER,

 

Ghy moecht hem niet wt sluyten,

 

Het is de HEERE Sebaoth,

 

Sterck in den Strijdt, end' onse Godt,

 

Een Coninck alder Eeren.