Den blijden-wegh tot Bethleem voor de Christelijcke jonckheyt

vermeerdert met vele nieuwe leysenen, lof-sanghen ende gheestelijcke liedekens

[p. 227]

Van den H. Ignatius Loyola, Sticht-vader van de Societeyt Jesv.

Op de wijse: Ingrat ie veux mourir.

IGnati, van den Heer
Soo wonderlijck verheven,
Ghedoocht dat ick u eer,
En prijs' u heyligh leven,
Dat ons dient tot een licht,
Tot allen deughden sticht.

Godts meerder glorie u

Men sach altijdt betrachten,
Noot die te soecken mu
Met allen uwe crachten,
Dit was u eenigh wit,
Waer gh' op soo waert verhit.

Dit heeft u oock verweckt

Die Orden op te stellen,
Die hondert jaer breckt
De groote macht der hellen,
De sond' en kettery
Verwint aen alle zy.

Waer door ghewonnen is

Die menichte van zielen,
Die hen in duysternis
Door ongheloofheydt hielen,
Oft stonden in Godts baet
Door alderhande quaet.

Ghy hebt Godts liefdes handt

[Allommentom ontsteken]

[p. 228]

 

Door lauwheyt t' alle kant

 

Allendigh seer besweken,

 

En Iesus naem hebdy

 

Verbreyt aen alle zy.

 

Soo wonder heeft ghebrant

 

V hert in't vier der minnen,

 

Aen Godt nu heel verpant

 

Met alle uwe sinnen,

 

Soo seer van u behert

 

De winst der zielen wert.

 

Hoe groot was u ghemoedt,

 

Hoe crachtich u betrouwen,

 

Dat ghy tot alle-goedt

 

In alles hebt behouwen,

 

Gheweest nochtans die zijt

 

Soo nedricht t'alle-tijdt.

 

Hoe hooch hebd' in't ghebedt

 

Ghestadich op ghevloghen,

 

Van schepsels onbelet,

 

Soo dickwils opghetogen,

 

Met Godt soo seer ghemeyn,

 

Van herten al te reyn.

 

Lof sy u, grooten Godt

 

Hem die hier hebt verheven

 

Tot dit gheluckich lot,

 

En eeuwich nu doet leven,

 

Gheeft ons dat wy eenpaer

 

Sijn stappen volghen naer.