Den blijden-wegh tot Bethleem voor de Christelijcke jonckheyt

vermeerdert met vele nieuwe leysenen, lof-sanghen ende gheestelijcke liedekens

[p. 172]

Van ons L. V. Hemel-vaert tot Alderheylighen. Het II. Deel.

Liedeken Van de H. Maghet Maria.

Op de wijse: Nu weest ghegroet, &c.

GHy gheestelijcke maeghden soet,
Wilt met Lof-sanghen
Mariam die reyn Maghet goet,
Wilt haer toch eer bewijsen.

Wilt haer altijt naer mijn bedien,

Als Maeght en Moeder eeren,
Die van 't beginsel was voorsien,
Tot een Moeder des Heeren.

Zy was verciert die suyver maecht,

Met deughden overvloedich,
Maer sonderlingh heeft Godt behaeght,
Om dat sy was ootmoedigh.

Gheen tonghe can uytspreken siet,

Haer deught, en heylich leven:
Een herte kan't bedencken niet,
Hoe sy nu is verheven.

Dus prijst haer alle Maeghden fijn

Haer deughden wilt aenmercken:
Wilt ghy met haer in vreughden zijn,
Volght naer haer goede wercken.