Den blijden-wegh tot Bethleem voor de Christelijcke jonckheyt

vermeerdert met vele nieuwe leysenen, lof-sanghen ende gheestelijcke liedekens

Een ander,

Op de wijse: Dict moy voulage amour.

LOff Maria seer reyn
Schoon suyver claer Fonteyn
Godts Moeder goet
Wy menschen groot en kleyn
Loven u al ghemeyn
Met sanghen soet.

Schoon als den daghe-raet

Met Goddelijck cieraet
Blinck ghy seer claer,
Want ghy altijt by staet
Met troost vroech ende laet
Ons alle gaer.

Ghy zijt des levens vreucht

Daer Godt in heeft verheucht
O Moeder soet!
Ghy zijt vol alder deucht!

[p. 168]

 

Naest Godt ghy t'al vermeucht

 

In teghen-spoet.

 

Versterckt dan onsen moet,

 

In druck en teghenspoet

 

Wilt ons bystaen

 

Neemt ons in u behoet

 

Dat wy dat eeuwich goet

 

Door u ontfaen.

 

Dus segh ick onvermijt

 

Den Ketteren tot spijt

 

Tot uwen loff,

 

Ghy zijt ghebenedijt

 

Van Godt voor allen tijt

 

In s'Hemels hoff.